मन साफ करणारी मशिन

गौरी देशपांडे-gaurisdeshpande1294@gmail.com

दुसऱ्या दिवशी शाळेतून आल्यावर गुलाब आपल्या मशिनवर काम करत बसली. रात्री तिने मशिन गोणीने झाकून ठेवली आणि त्याजवळच ती झोपली. ओह! सांगायचं राहिलंच - गुलाबाच्या शाळेत असणार होता विज्ञान दिन आणि त्यासाठी ती मशिन तयार करत होती. नेमकं काय तयार करत होती कोणास ठाऊक! खरं तर, त्या दिवशी राजू आणि समीरशी झालेली वादावादी काही केल्या तिच्या डोक्यातून जात नव्हती.