Gurupushyamrit Yoga Significance : गुरुपुष्यामृत योगातून त्रिवेणी संगमाच्या आध्यात्मिक अर्थाचा उलगडा

श्रीराम भट - saptrang@esakal.com

गंगा, यमुना आणि सरस्वती यांच्या त्रिवेणी संगमाचे महत्त्व आपल्या संस्कृतीत व्रतवैकल्पांच्या स्वरूपात जोपासले जाते. त्यामुळेच प्रयागतीर्थ स्नानाला आपल्या संस्कृतीत आगळेवेगळे महत्त्व दिले गेले आहे. मानवी जीवन हा एक भावस्रोत आहे. या भक्तिस्रोताला किंवा भावस्रोताला एक प्रकारची गंगाच संबोधली जाते. त्यामुळेच भगवान शंकरांनी चंद्र आणि गंगा यांना आपल्या मस्तकी धारण केले.