History Books : शिवरायांच्या चित्रांचा जागतिक वेध; प्रसाद तारे यांचे संशोधन

विनायक लिमये - vinayak.limaye@esakal.com

छत्रपती शिवाजी महाराजांच्या व्यक्तिमत्त्वाचे पैलू समजून घेण्यासाठी अनेक लेखक, कादंबरीकार सतत प्रयत्न करत असतात. त्याचप्रमाणे इतिहास संशोधक प्रसाद तारे यांनीही प्रेरणा घेऊन महाराजांची जगभर असलेली चित्रे व अन्य तपशील हा अभ्यासाचा विषय मानला व संशोधन केले. शिवरायांच्या कर्तृत्वाची ओळख सांगणारी सात पुस्तके त्यांच्या नावावर आहेत. त्यातील तीन पुस्तकांचा वेध घेताना आपल्या लक्षात येतात ते त्यांचे परिश्रम व निष्ठा. भारतभर प्रवास करून चित्रे, शिल्पे याचा वेध त्यांनी घेतला. परदेशातील संग्रहालयांना भेट देऊन शिवरायांची त्या काळात काढलेली चित्रे विविध परवानग्या आणि रॉयल्टीपोटी मोठी रक्कम मोजून मिळवली.