जाणून घ्या आजचे भविष्य आणि पंचांग : 13 जून

सकाळ वृत्तसेवा
गुरुवार, 13 जून 2019

जाणून घ्या आजचे भविष्य आणि पंचांग : 13 जून

आजचे दिनमान 
मेष : आरोग्य उत्तम राहील. स्वास्थ्य लाभेल. व्यवसायात मनासारखे वातावरण लाभेल. तुम्ही आपले विचार आग्रहाने मांडाल. आपली मते इतरांना पटवून द्याल. इतरांना योग्य मार्गदर्शन करू शकाल. 

वृषभ : व्यवसायात उत्तम स्थिती राहणार आहे. व्यवसायातील अंदाज अचूक ठरतील. कर्मचारी वर्गाचे सहकार्य लाभेल. आरोग्य चांगले राहणार आहे. प्रसन्नता लाभेल. 

मिथुन : विद्यार्थ्यांना यश लाभेल. मुलामुलींचे प्रश्‍न मनासारखे सुटतील. अपेक्षित गाठीभेटी व पत्रव्यवहार होईल. बोलण्यात कटुता टाळावी. मनासारखे होणार नाही यासाठी मानसिक तयारी हवी. 

कर्क : प्रॉपर्टीच्या क्षेत्रात यश लाभेल. व्यवसायात उत्तम स्थिती राहील. अनेकांचे सहकार्य लाभेल. तुमच्या राहत्या जागेचे प्रश्‍न सुटतील. प्रवास सुखकर होणार आहेत. 

सिंह : जुन्या मैत्रीला उजाळा मिळेल. चांगल्या गोष्टी कानावर येतील. नवे स्नेहसंबंध जुळतील. नवे परिचय होतील. ज्यांना बदली हवी आहे त्यांनी प्रयत्न करायला हरकत नाही. सार्वजनिक कामात प्रतिष्ठा लाभेल. 

कन्या : शासकीय कामाशी संबंधित व्यक्‍तींना विशेष यश मिळेल. आर्थिक क्षेत्रात मनासारखे दान पडणार आहे. विवाहेच्छूंचे विवाह जमण्याची जोरदार शक्‍यता आहे. 

तुळ : मानसिक प्रसन्नता लाभेल. व्यवसायाकडे लक्ष केंद्रित कराल. नवीन दिशा सापडेल, नवा मार्ग दिसेल. एखादी भाग्यकारक घटना घडेल. आपली मते व आपले विचार इतरांना पटवून देऊ शकाल. 

वृश्‍चिक : महत्त्वाची कामे पुढे ढकलावीत. व्यवसायात मनासारखे यश लाभेल. नोकरीत वरिष्ठांचे सहकार्य लाभेल. प्रॉपर्टीच्या क्षेत्रातील व्यक्‍तींना विशेष यश मिळेल. सध्या कामामध्ये सतत ताण राहणार आहे. 

धनु : एखादी महत्त्वाची बातमी समजेल. बौद्धिक़ व शैक्षणिक क्षेत्रातील व्यक्‍ती विशेष यश मिळवतील. आर्थिक लाभाचे प्रमाण वाढेल. मित्रांचे विशेष सहकार्य लाभेल. 

मकर : तुमच्या विचारांचा प्रभाव पडेल. थोरामोठ्यांचे सहकार्य लाभेल. तुमचे निर्णय व अंदाज अचूक ठरतील. विद्यार्थ्यांना सुयश लाभेल. कर्तृत्वाला चांगली संधी लाभणार आहे, प्रतिष्ठा लाभणार आहे. 

कुंभ : एखादी भाग्यकारक घटना घडेल. तुमचे अंदाज व निर्णय अचूक ठरतील. नवी दिशा सापडेल, नवा मार्ग दिसेल. गुंतवणुकीच्या क्षेत्रात यश मिळेल. ज्यांना बदली हवी आहे त्यांनी प्रयत्न करायला हरकत नाही. 

मीन : महत्त्वाची कामे पुढे ढकलावीत. महत्त्वाचे निर्णय पुढे ढकला. आरोग्य चागंले राहील. मुलामुलींकरिता जादा खर्च करावा लागेल. खर्च वाढणार आहेत. जबाबदारी वाढेल. 

पंचांग
गुरुवार : ज्येष्ठ शुद्ध 11, चंद्रनक्षत्र चित्रा, चंद्रराशी तूळ, सूर्योदय 5.59, सूर्यास्त 7.12, चंद्रोदय दुपारी 3.27, चंद्रास्त रात्री 2.51, निर्जला एकादशी, भारतीय सौर ज्येष्ठ 23, शके 1941.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Horoscope and Panchang of 13 June 2019