जाणून घ्या आजचे भविष्य आणि पंचांग : 22 मे

सकाळ वृत्तसेवा
बुधवार, 22 मे 2019

जाणून घ्या आजचे भविष्य आणि पंचांग : 22 मे

आजचे दिनमान 
मेष :
मूल्यवान वस्तू खरेदी करण्याकरिता दिवस चांगला आहे. मुलामुलींच्या संदर्भात एखादी चांगली घटना घडेल. अडचणीवर मात कराल. 

वृषभ : आरोग्याकडे लक्ष हवे. आर्थिक क्षेत्रात व एकूणच कार्यक्षेत्रात धाडस कटाक्षाने टाळावे. जागरूकता व सावधगिरी हवी. 

मिथुन : हाती घेतलेल्या कामात अडचणी जाणवतील. कोणाच्याही सहकार्यावर अवलंबून राहू नका. कलेच्या क्षेत्रात विशेष यश लाभणार आहे. 

कर्क : नातेवाइकांबरोबर मतभेदाची शक्‍यता आहे. प्रॉपर्टीसाठी दिवस शुभ आहे. आर्थिक क्षेत्रात यश मिळणार आहे. 

सिंह : महत्त्वाचे निर्णय पुढे ढकलावेत. व्यवसायाची उलाढाल वाढेल. काहींना सार्वजनिक क्षेत्रात प्रतिष्ठा लाभेल. 

कन्या : आरोग्य चांगले राहणार आहे. कामाचा ताणतणाव राहील. हाती घेतलेल्या कार्यात सुयश लाभेल. 

तूळ : मित्रांच्या आश्‍वासनावर अवलंबून राहू नका. हाती घेतलेली कामे चिवटपणे पार पाडाल. थोरामोठ्यांच्या सहकार्याची अपेक्षा करू नका. 

वृश्‍चिक : एखादी चांगली जबाबदारी सोपवली जाईल. शैक्षणिक क्षेत्रातील व्यक्‍तींना विशेष यश मिळेल. नवीन हितसंबंध निर्माण करू शकाल. 

धनू : आपणास मनोबल वाढवावयास हवे. नवे स्नेहसंबंध जुळतील. काही अनपेक्षित अडचणी निर्माण होणार आहेत. 

मकर : वैवाहिक जीवनात मतभेद वाढतील. एखादी गोष्ट मनाविरुद्ध घडणार आहे. विद्यार्थ्यांना सुयश लाभेल. 

कुंभ : आर्थिक आवक चांगली राहणार आहे. विरोधकावर मात कराल. बौद्धिक क्षेत्रातील व्यक्‍तींचा प्रभाव पडणार आहे. 

मीन : व्यक्‍तिमत्त्वाचा प्रभाव पडेल. आपले विचार ठामपणाने मांडाल. खर्चाचे प्रमाण वाढेल. 

पंचांग
बुधवार : वैशाख कृष्ण 4, चंद्रनक्षत्र पूर्वाषाढा, चंद्रराशी धनू, सूर्योदय 6.01, सूर्यास्त 7.04, चंद्रोदय रात्री 10.18, चंद्रास्त सकाळी 8.54, संकष्ट चतुर्थी, भारतीय सौर ज्येष्ठ 1, शके 1941


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Horoscope and Panchang of 22 May 2019