Human Nature And Universe
esakal
आकाशातील ग्रह-तारे हे गतीशी संबंधित आहेतच. या ग्रह ताऱ्यांच्या गतीच्या अनुरोधानेच पृथ्वी गतिमान असते आणि या पृथ्वीवर चालणारा किंवा फुटपाथवर चालणारा हा तथाकथित माणूस या ग्रहमालेतील गतीशी अप्रत्यक्षपणे संबंधित आहेच. माणसाच्या काया, वाचा आणि मनाची हालचाल किंवा वाटचाल या मानवी जीवनाच्या किंवा महानगरपालिकेच्या फुटपाथवर नजर रोखून म्हणा किंवा हावभाव दाखवत बडबड करत किंवा आरडाओरड करत सतत चालूच असते. हे आपण सतत पदोपदी पाहतच आहोत.
पृथ्वी, आप, तेज, वायू आणि आकाश यांचा आधार घेत वळवळ करत भेट करणारा माणूस किती परावलंबी असतो हे कलियुगातला माणूस जाणूनच घेत नाही. असा हा सध्याच्या कलियुगातला माणूस विचित्र वागत बेभान होत, डोंगरदऱ्यातून भटकत असतो आणि सतत विचित्र फ्लॅशन्यूज देत असतो.
