मणिपूरचा पारसमणी

- केदार गोरे, gore.kedar@gmail.com

तामेंगलोन्ग म्हणजे म्यानमारला लागून असलेला व पर्वतराजींनी आणि घनदाट जंगलांनी नटलेला एक जिल्हा. मणिपूरमधील तामेंगलोन्ग जिल्ह्यातील बहुतांश लोक नागा जमातीचे आहेत. त्यांची भाषा, संस्कृती सारे काही निराळे. अफाट निसर्गसौंदर्य, समृद्ध संस्कृती आणि परंपरेचा वारसा लाभलेल्या या भागात पर्यटनाचा अभाव हे खरोखरीच दुर्दैवी होते. सरकारी पातळीवरून मदतीचा हात पुढे केल्यास तामेंगलोन्गसाठी वरदान ठरू शकते.