Manjunath Kamath Art
sakal
हर्ष भटकळ, saptrang@esakal.com
मंजुनाथ कामत यांच्यासाठी त्यांची कला हा अंतिम टप्पा नाही आणि व्यवसायही नाही किंवा जीवनाचे तत्त्वज्ञानही नाही, तर ती एक शंका, विनोद, नवल अशा एकाहून एक भावनांनी भरलेली एक अपूर्ण जीवनपद्धती आहे. त्यांच्या कलाकृती आणि त्यांची विचारपद्धती यांचा अलगपणे विचार करता येत नाही. त्यांच्या कलेत विनोदबुद्धी दिसते, तसेच त्यामागे श्रद्धेचे गांभीर्यही असते फक्त त्यात अंधश्रद्धा नाही. शिस्त आहे पण काठिण्य नाही. सर्वत्र दिसते ती त्यांच्यातील कुतूहलाची भावना.