गोडवा लातूरच्या ‘अई’चा

- डॉ. आशा मुंडे, drashamunde@gmail.com

महाराष्ट्रात अनेक बोली बोलल्या जातात. बोली ज्या प्रदेशात बोलली जाते, त्या प्रदेशाची वैशिष्ट्ये घेऊन उतरत असते. कोकणात कोंकणी बोली, विदर्भात वैदर्भी, वऱ्हाडी, खान्देशात अहिराणी या काही प्रमुख बोली. मराठवाड्याची बोली हीसुद्धा स्वतंत्र आणि वैशिष्ट्यपूर्ण आहे; परंतु ती नावारूपाला आलेली नाही. या बोलीत ग्रंथसंपदा नसल्यामुळे तिची ओळख बाहेर झाली नाही.