Golden Era of Hindi Cinema History
sakal
जयदीप पाठकजी - Jaydeep.Pathakji@esakal.com
‘जिंदगी भी एक नशा है दोस्त...जब चढता है तो पुछो मत, क्या आलम रहता है...’ असं तत्त्वज्ञान पटकथाकार म्हणून लिहिणारे विजय आनंद आणि कागदावर लिहिलेला ‘गाईड’ पडद्यावर अजरामर करणारे देव आनंद हे सर्जनशील आनंद बंधू म्हणजे हिंदी चित्रपटसृष्टीच्या सुवर्णकाळातील महत्त्वाचं असं पान. या दोघांनी एकत्र केलेल्या चित्रपटांच्या पडद्यामागच्या गोष्टी ‘हम दोनों... गोष्ट देव आणि गोल्डीची’ हे पुस्तक आपल्याला सांगतं. देव आनंद यांच्यासोबत साहाय्यक म्हणून काम करणाऱ्या तुनजा चतुर्वेदी यांनी त्यांच्यासोबतच्या संवादातून या पुस्तकाचे लेखन केले आहे. देव आणि गोल्डी एकत्र आल्यानंतर जे अजरामर चित्रपटांचं पर्व प्रेक्षकांनी अनुभवलं, त्या सुवर्णकाळाचा ‘फ्लॅशबॅक’ म्हणजे हे पुस्तक. दोघांचे काम एकमेकांना कसे पूरक होते आणि त्यांच्या एकत्रीकरणातून पडद्यावर कोणत्या कलाकृती आल्या, याचा हा इतिहास आहे.