Ice Creamsakal
सप्तरंग
‘सुप्रीम’ गोडवा
नव्वदच्या दशकात नाक्यावर मिळणाऱ्या कुल्फीच्या आठवणी अजूनही ताज्या आहेत. सुप्रीम आईस्क्रिम हे त्याच परंपरेचे जपणारे ठिकाण असून ३० हून अधिक फ्लेवर्स आजही लोकांची मनं जिंकतात.
प्रशांत ननावरे-nanawareprashant@gmail.com
साधारण दशकभरापूर्वीपर्यंत शहरांमध्ये रात्री नाक्यानाक्यावर काही माणसं अवतरायची. चार तास शांतपणे आपला व्यवसाय करून गायब व्हायची. ही माणसं कुठून यायची, त्यांच्याकडील माल कुठे तयार व्हायचा हे कदाचित आजतागायत अनेकांना ठाऊक नसेल; पण त्यांच्याकडील गोड चकतीवर ताव मारल्याखेरीज मध्यमवर्गीयांच्या दिवसाचा शेवट व्हायचा नाही.