गौरी देशपांडे- gaurisdeshpande1294@gmail.com
एक होता मॉन्टू. पिटुकल्या मॉन्टूला खेळणी खेळायला खूप आवडायचं. त्याला पुस्तकं वाचायला आवडायचं आणि चित्र काढायला तर खूपच आवडायचं. मॉन्टू एक गुणी मुलगा होता, पण त्याचं एक मोठ्ठं गुपित होतं. ते म्हणजे एक बागुलबुवा! मोठा गुलाबी रंगाचा, भयंकर चेहऱ्याचा! एक असा बागुलबुवा जो कोणालाच दिसायचा नाही, जो कोणालाही कधीच ऐकू यायचा नाही, तो फक्त मॉन्टूलाच दिसायचा! अर्थात, नेहमीच तो दिसायचा असं नाही. जेव्हा जेव्हा मॉन्टू दुःखी असतो, उदास असतो, चिड चिड करतो किंवा घाबरलेला असतो ना, तेव्हा तेव्हा हा बागुलबुवा त्याच्या समोर प्रकट होतो. बाकीच्या वेळी तो नसायचा आसपास!