बहुतांश मंडळी आपली जुनी गाडी विकतात आणि नवीन खरेदी करतात. काळानुसार गाडीची किंमत कमी होते आणि अगदी पडत्या भावात त्याची विक्री करावी लागते; मात्र एका बाइकप्रेमी तरुणाने आपल्या जुन्या बाइकमध्ये बदल करत त्याला अधिक आकर्षक रूप दिले.
मध्य प्रदेशातील इंदूर येथील शरद विश्‍वकर्मा नावाच्या तरुणाने दोन वर्षांपूर्वी वडिलांच्या जुन्या स्प्लेंडरला कॅफे रेसरचा चेहरा दिला. ही गाडी त्याच्या वडिलांनी चालवलेली असल्याने त्यांच्या आठवणी जोपासण्यासाठी त्याने त्याची विक्री करण्याऐवजी बदल करत वापर सुरू ठेवला.