सातारा : विधान परिषदेच्या पुणे पदवीधर मतदार आणि शिक्षक मतदारसंघाचा निवडणूक कार्यक्रम जाहीर झाला आहे. एक डिसेंबरला मतदान होणार असून, सकाळी आठ ते सायंकाळी पाचपर्यंत मतदान करता येणार आहे. या निवडणुकीत पुणे पदवीधर मतदारसंघासाठी जिल्ह्यात 54 हजार 835 मतदारांची नोंदणी झाली आहे. शिक्षक मतदारांची एकूण नोंदणी सात हजार 618 झाल्याचे प्रभारी जिल्हाधिकारी रामचंद्र शिंदे यांनी सांगितले.
पुणे पदवीधर मतदार व शिक्षक मतदारसंघाच्या निवडणुकीसाठी जिल्ह्यात एकूण मतदान केंद्रांची संख्या 168 आहे. यामध्ये पदवीधरसाठी 124, तर शिक्षक मतदारसाठी 44 केंद्र आहेत. पदवीधरसाठी मतदारांची सर्वाधिक नोंदणी कऱ्हाड तालुक्‍यात 14 हजार 413, तर सर्वात कमी 496 महाबळेश्‍वर तालुक्‍यात झाली आहे. या दोन्ही निवडणुकीसाठी आचारसंहिता दोन नोव्हेंबरपासून सुरू झाली असून, प्रचारादरम्यान घरोघरी जाताना केवळ पाच व्यक्ती, तर रॅलीमध्ये पाच वाहनांना परवानगी देण्यात आली आहे. कोरोनाच्या संसर्गामुळे मतदानादरम्यान प्रत्येक मतदाराची केंद्रात येताना थर्मल स्क्रिनिंगद्वारे तपासणी करण्यात येणार आहे. याचबरोबर एका मतदार केंद्रावर 700 मतदारांना मतदान करता येणार आहे. निवडणुकीच्या काळात उमेदवारांच्या प्रचार सभांवर लक्ष ठेवण्यासाठी भरारी पथकांची स्थापना करण्यात येणार असल्याचे श्री. शिंदे यांनी सांगितले.
एक डिसेंबरला मतदान
पुणे पदवीधर मतदारसंघाची मुदत जुलै महिन्यात संपली होती. मात्र, कोरोनामुळे या निवडणुका लांबणीवर पडलेल्या होत्या. नुकत्याच निवडणुका जाहीर झाल्या असून, 12 नोव्हेंबरपर्यंत अर्ज भरण्याची शेवटची मुदत आहे. 13 नोव्हेंबरला अर्जाची छाननी होणार असून, 17 नोव्हेंबरपर्यंत अर्ज मागे घेण्याची मुदत आहे. एक डिसेंबरला मतदान, तर पुणे या ठिकाणी तीन डिसेंबरला मतमोजणी होणार आहे.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.