काकांचे विचार मोडणाऱ्यांना चांगलाच धडा शिकवू; उदयसिंहांचा विरोधकांना इशारा | Sakal
sakal

बोलून बातमी शोधा

Adv. Udaysingh Patil Undalkar

विलासकाका जरी आपल्यात नसले तरी त्यांचे विचार घेऊन कार्यकर्त्यांच्या साथीने वाटचाल करत आहोत.

काकांचे विचार मोडणाऱ्यांना चांगलाच धडा शिकवू

उंडाळे (सातारा) : विलासकाका जरी आपल्यात नसले तरी त्यांचे विचार घेऊन कार्यकर्त्यांच्या साथीने वाटचाल करत आहोत. काकांचे विचार मोडण्याचे षडयंत्र विरोधकांचे सुरू आहे. त्यास आपलेच काही हितचिंतक खतपाणी घालत आहेत. अशा प्रवृत्तींना काकांच्या कार्यकर्त्यांनी वेळोवेळी धडा शिकवला आहे. यापुढेही कार्यकर्त्यांच्या साथीने निश्चित धडा शिकवू, असा इशारा रयत साखर कारखान्याचे अध्यक्ष अॅड. उदयसिंह पाटील उंडाळकर (Adv. Udaysingh Patil Undalkar) यांनी विरोधकांना दिला.

शेवाळेवाडी-म्हासोली येथील रयत सहकारी साखर कारखान्याच्या (Rayat Co-operative Sugar Factory) कार्यस्थळावर ज्येष्ठ नेते (कै.) विलासराव पाटील-उंडाळकरांच्या (काका) पूर्णाकृती पुतळ्याच्या कामाच्या भूमिपूजनप्रसंगी ते बोलत होते. जिल्हा बँकेचे माजी उपाध्यक्ष दादासाहेब गोडसे, कारखान्याचे उपाध्यक्ष अप्पासाहेब गरुड, अथणी रयतचे युनिट हेड रवींद्र देशमुख, उपसभापती रमेश देशमुख, कोयना दूध संघाचे अध्यक्ष वसंतराव जगदाळे, ॲड. विजय पाटील, सभापती महादेव देसाई, खरेदी- विक्री संघाचे अध्यक्ष रंगराव थोरात, कोयना बँकेचे अध्यक्ष रोहित पाटील, रफिकशेठ बागवान, शिवाजीराव जाधव, जगन्नाथराव मोहिते, जिल्हा परिषद सदस्य प्रदीप पाटील, पंजाबराव देसाई उपस्थित होते.

हेही वाचा: जिल्हा बॅंकेसाठी 'राष्ट्रवादी'चा मास्टर प्लॅन

अॅड. उंडाळकर म्हणाले, ‘‘रयत कारखाना एक वेळ लिलाव होऊन विक्री होतेय की काय अशा अवस्थेत होता. काकांच्या निर्णयामुळे अथणी कारखान्याची करार करून कारखानदारी वाचविण्यात यश आले. ‘रयत’ आज कर्जमुक्त होऊन सभासद व शेतकऱ्यांच्या हिताचे निर्णय घेत आहे. येणाऱ्या काळात गाळप क्षमता विस्तार वाढीबरोबर सहवीज प्रकल्प उभारणार आहे.’’ श्री. गोडसे, श्री. जगदाळे, श्री. देशमुख, सर्जेराव थोरात, प्रा. राजेंद्र भिसे यांनी मनोगत व्यक्त केले. पुतळा चबुताऱ्याच्या जागेचे पूजन रवींद्र देशमुख यांचे हस्ते झाले. संचालक तुकाराम काकडे यांनी प्रास्ताविक केले.

Web Title: Adv Udaysingh Patil Undalkar Warning To The Opposition

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..