Nitin Patil, Ramraje Naik Nimbalkar and Udayanraje Bhosale
sakal
सातारा - जिल्ह्याच्या राजकारणाचा केंद्रबिंदू असणाऱ्या सातारा जिल्हा मध्यवर्ती बँकेच्या संचालक मंडळातील नेत्यांमध्ये कोण कोणाला त्रास देतो, कोण कोणावर कोठे नेम धरतो, अशा फारशा चर्चा बँकेच्या वर्तुळातून बाहेर येत नाहीत. उलट सहकाराचे हे मंदिर पक्षविरहित ठेवण्याचा प्रत्येकाचा प्रयत्न अनेकदा दिसतो. त्यानुसारच ज्येष्ठ नेते रामराजे, खासदार उदयनराजे यांच्यासारख्या मातब्बरांनी आज त्याचीच पुनरावृत्ती करत पुन्हा ‘अमरप्रेम’ कहाणीचे दर्शन घडवले.
