सातारा : चीनमधील शांघाय येथे झालेल्या जागतिक तिरंदाजी फेज-२ स्पर्धेत ५० मीटर कंपाउंड राउंड या प्रकारात छत्रपती शिवाजी कॉलेजची खेळाडू मधुरा धामणगावकर हिने वैयक्तिक प्रकारात एक सुवर्णपदक, सांघिक माहिला गटात एक रौप्य, तर महिला मिश्र गटात एक कांस्यपदक भारतासाठी पटकावत आंतरराष्ट्रीय कारकिर्दीची यशस्वीपणे सुरुवात केली. याच महाविद्यालयाचा खेळाडू ओजस देवतळे (अर्जुन पुरस्कार विजेता) याने पुरुष सांघिक प्रकारात भारतास एक सुवर्णपदक मिळवले.