कर्मचारी कोरोनाबाधित आढळल्याने बॅंक ऑफ महाराष्ट्रचे व्यवहार बंद

ढेबेवाडी (जि. सातारा) : चार महिन्यांच्या विश्रांतीनंतर येथे कोरोनाचे पुनरागमन झाले आहे. एकाच कुटुंबातील दोघांसह एक बॅंक कर्मचारीही कोरोनाबाधित आढळले असतानाही नागरिक व व्यावसायिकांत मात्र त्याबाबत फारसे गांभीर्य नसल्याचे चित्र मंगळवारी येथील आठवडा बाजारात दृष्टीला पडले. केवळ कारवाई टाळण्यासाठी तोंडावर मास्क अडकविलेल्या बाजारकरूंनी सोशल डिस्टन्सिंग आणि सॅनिटायझरच्या वापराकडे पूर्ण दुर्लक्ष केल्याचे दिसून आले. 

गेल्या चार महिन्यांपासून कोरोनाचे नवीन रुग्ण न सापडल्याने ढेबेवाडी खोरे सुटकेचा श्वास सोडत असतानाच कालपासून पुन्हा येथे नवीन रुग्ण सापडायला सुरुवात झाल्याने अस्वस्थता वाढली आहे. काल येथे एकाच कुटुंबातील दोघांचे तर बॅंक ऑफ महाराष्ट्रच्या येथील शाखेतील एका कर्मचाऱ्याचे कोरोना तपासणीचे रिपोर्ट पॉझिटिव्ह आले. संबंधित रुग्णांच्या संपर्कात आलेल्या व्यक्तींनी बाहेर फिरू नये, आवश्‍यक तपासण्या करून घ्याव्यात, अशा स्पष्ट सूचना असतानाही त्यापैकी काहीजण निवांत फिरताना दिसत आहेत. सरपंच अमोल पाटील, ग्रामविकास अधिकारी संतोष घोडे यांच्यासह आरोग्य विभाग व ग्रामपंचायतीच्या कर्मचाऱ्यांनी दोन ठिकाणी कंटेन्मेंट झोन तयार करून आवश्‍यक उपाययोजना हाती घेतल्या आहेत.

पुणे- मुंबईला जाणा-या प्रवाशांनाे! एसटी महामंडळाने घेतला महत्वपुर्ण निर्णय

ग्रामपंचायतीच्या सूचनेनुसार बॅंकेचे व्यवहार तीन दिवसांसाठी बंद ठेवण्यात आलेले आहेत. कोरोना पुन्हा वाढत असतानाही त्याबाबत नागरिकांत मात्र फारसे गांभीर्य नसल्याचे चित्र आज येथील आठवडा बाजारात दृष्टीला पडले. केवळ कारवाई टाळण्यासाठी तोंडावर मास्क अडकविलेल्या बाजारकरूंनी सोशल डिस्टन्सिंग आणि सॅनिटायझरच्या वापराकडे पूर्ण दुर्लक्ष केल्याचे दिसून आले. 

दरम्यान ग्रामपंचायतीच्या सूचनेनूसार बॅंकेचे व्यवहार शुक्रवारपर्यंत (ता. 26) बंद राहणार आहेत. त्यानंतर पुन्हा जाेडून सुट्ट्या आल्याने चार एप्रिलपर्यंत ग्राहकांसाठी (30 मार्च व्यतरिक्त) बॅंकेचे कामकाज बंद राहणार आहे. गावात एटीएम सेंटर असल्याने ग्राहकांना पैसे काढण्यासाठीची अडचण भासणार नाही.

Covid 19 पुर्वी या गाेष्टींची भीती नव्हती; आता खरंच वाटू लागलीय 

पद मिळाले की लेटरपॅड, व्हिजिटिंग कार्ड छापण्यापुरते मर्यादित राहू नका

Edited By : Siddharth Latkar