जमावबंदी आदेश लागू; बावधन बगाड यात्रेत ग्रामस्थांनी भावनांना आवर घालावा : संगीता राजापूरकर

वाई (जि. सातारा) : बावधन बगाड यात्रेला अनेक वर्षांची परंपरा आहे. राज्याचे ते वैभव आहे; परंतु कोरोनाचा प्रसार टाळण्यासाठी प्रशासनाने बगाड यात्रा रद्द करण्याचा निर्णय घेतला आहे. त्यास ग्रामस्थांनी सहकार्य करावे, असे आवाहन प्रांताधिकारी संगीता राजापूरकर- चौगुले यांनी केले. 27 मार्चपासून सुरू होणारी बावधन बगाड यात्रा प्रशासनाने रद्द केली आहे. या निर्णयाची अंमलबजावणीची माहिती देण्यासाठी बावधन ग्रामपंचायतीत प्रशासन, ग्रामपंचायत सदस्य आणि ग्रामस्थांच्या बैठकीचे आयोजन करण्यात आले होते. या वेळी श्रीमती राजापूरकर बोलत होत्या. 

पोलिस उपअधीक्षक शीतल जानवे-खराडे, तहसीलदार रणजित भोसले, पोलिस निरीक्षक आनंद खोबरे, शशिकांत पिसाळ, वसंतराव पिसाळ, राजेंद्र कदम, अंकुश कुंभार, सरपंच शुभांगी कांबळे, मदन भोसले, दीपक ननावरे, उदयसिंह पिसाळ, विजयसिंह पिसाळ, विश्वास पिसाळ यांची या वेळी प्रमुख उपस्थिती होती. शीतल खराडे म्हणाल्या, ""प्रशासनाला सहकार्य करणारे गाव अशी बावधनची ओळख आहे. याच भावनेतून कोरोनाचा प्रसार वाढताना ग्रामस्थांनी सहकार्य करणे अपेक्षित आहे. यात्रेवर निर्बंध घालण्यात आले असून, 144 कलम लागू करण्यात आल्याने 5 पेक्षा जास्त लोकांना एकत्र येता येणार नाही. 

धार्मिक विधी करणाऱ्या 5 लोकांची नावे ग्रामस्थांनी प्रशासनाला कळविणे आवश्‍यक आहे.'' तहसीलदार रणजित भोसले, शशिकांत पिसाळ, वसंतराव पिसाळ यांचीही भाषणे झाली. या वेळी सरपंच शुभांगी कांबळे, तानाजी कचरे यांनी स्वागत केले. उपसरपंच उदयसिंह पिसाळ यांनी आभार मानले.

माेदी सरकारने मला जबरदस्ती निवृत्त केले; IPS अधिका-याचा फाेटाे व्हायरल

कर्मचारी कोरोनाबाधित आढळल्याने बॅंक ऑफ महाराष्ट्रचे व्यवहार बंद

पद मिळाले की लेटरपॅड, व्हिजिटिंग कार्ड छापण्यापुरते मर्यादित राहू नका

धाेम-वाई खून खटल्याची पुढील सुनावणी आता कधी हाेणार वाचा सविस्तर

Edited By : Siddharth Latkar