सातारा : काळजजवळ अपघातात नवरदेवाचा मृत्यू | Sakal
sakal

बोलून बातमी शोधा

Jeep Accident

सातारा : काळजजवळ अपघातात नवरदेवाचा मृत्यू

लोणंद - लोणंद-फलटण रस्त्यावर आज सायंकाळी पाच वाजण्याच्या सुमारास काळज ( ता. फलटण) जवळ जीप पलटी होऊन झालेल्या अपघातात नुकतेच लग्न झालेल्या आणि जेजुरीहून धुळदेवकडे ( ता. फलटण) निघालेल्या नवरदेवाचा मृत्यू झाला, तर अन्य काही जण जखमी झाले आहेत.

याबाबत लोणंद पोलिसांकडून मिळालेली माहिती अशी, बार्शी ( जि. सोलापूर) येथील नुकतेच लग्न झालेले नवरदेव सुखदेव रवींद्र वाघमोडे ( वय २६) हे आपल्या लग्नानंतर देवदर्शनासाठी जीपगाडीतून नातेवाईकांसमवेत जेजुरी येथून लोणंद-फलटण रस्त्यावरून फलटण तालुक्यातील धुळदेव या ठिकाणी देवदर्शनासाठी निघाले असताना सायंकाळी पाच वाजण्याच्या सुमारास काळजजवळ आल्यानंतर चालकाचा वाहनावरील ताबा सुटल्याने गाडी पलटी होऊन हा अपघात झाला. त्यामध्ये नवरदेव सुखदेव हा गंभीर जखमी झाला.

त्यास तातडीने फलटण येथे खासगी दवाखान्यात उपचारासाठी दाखल करण्यात आले. मात्र, उपचारापूर्वीच तो मृत्यू पावल्याचे डॉक्टरांनी घोषित केले. दरम्यान, जीप गाडीतील अन्य काही जण जखमी झाले आहेत. त्यांची नावे समजू शकली नाहीत. या अपघाताची नोंद लोणंद पोलिस ठाण्यात रात्री उशिरा करण्यात आली. लोणंद पोलिस अधिक तपास करत आहेत.

दरम्यान, सध्‍या लोणंद-फलटण रस्त्याच्या सहापदरीकरणाची कामे सुरू आहेत. मात्र, अनेक ठिकाणी ही कामे करताना संबंधित यंत्रणेकडून पुरेशी खबरदारी घेतली जात नसल्याने वाहनचालकांना रस्त्याचा अंदाज न आल्याने या रस्त्यावर अपघातांच्या घटना घडत आहेत, अशा प्रतिक्रिया वाहनचालक व प्रवाशांकडून व्यक्त केल्या जात आहेत.

Web Title: Bridegroom Dies In Accident Near Kalaj

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top