सातारा जिल्ह्यातील 'या' तालुक्यात पोलिसांनी वाजवला वऱ्हाडाचा 'बॅंड'

वडूज : तडवळे (ता. खटाव) येथे एका लग्नात शासनाने दिलेल्या नियमांचे उल्लंघन करून जास्त गर्दी करत लग्न सोहळा साजरा करणाऱ्या वऱ्हाडी मंडळींना पोलिसांच्या कारवाईला सामोरे जावे लागले आहे. याबाबत त्या वऱ्हाडी मंडळीवर वडूज पोलिस ठाण्यात पोलिस पाटील संदीप खाडे यांनी गुन्हा दाखल केला आला आहे.
 
याबाबत वडूज पोलिस ठाण्यातून मिळालेली अधिक माहिती अशी, मंगळवारी (ता. 14) दुपारी साडेबारा वाजण्याच्या सुमारास तडवळे येथील खिंडवस्ती याठिकाणी लग्नाचा कार्यक्रम सुरू होता. या कार्यक्रमात 70 ते 80 लोक उपस्थित होते. या लग्नासाठी 20 लोकांची परवानगी घेतली असल्याचे त्या लोकांनी सांगितले. मात्र, त्या ठिकाणी जास्त गर्दी असल्याने, तसेच जिल्हाधिकारी यांच्या जमावबंदीचा आदेशाचे उल्लंघन केल्याने वडूज पोलिस ठाण्यात गुन्हा दाखल झाला आहे. सुरक्षितेच्या दृष्टिकोनातून व्यक्तिगत सुरक्षा धोक्‍यात येईल, असे कृत्य करून सार्वजनिक उपद्रव निर्माण होईल, अशी संसर्ग पसरवण्याची घातक कृती संबंधितांकडून झाली. 

सातारकरांनाे, यामुळेच लॉकडाउनचा निर्णय झाला; वाचा सविस्तर

यामुळे मोहन रघुनाथ माळवे (वय 45), निवृत्ती दगडू माळवे (वय 61), श्रीरंग रघुनाथ माळवे (वय 48), राहुल रघुनाथ खाडे (वय 34), मल्हारी शंकर साबळे (वय 65), काकासाहेब दत्तू साबळे (वय 55), विकास वसंतराव साबळे (वय 45), चंद्रकांत सखाराम खाडे (वय 50), सुनील धनंजय खाडे (वय 35), शरद आत्माराम खाडे (वय 35), पांडुरंग दिनकर पाटोळे (वय 55) राजेंद्र रंगराव हांगे (वय 45), नितीन आबाजी खाडे (वय 32), पंढरीनाथ बाबूराव खाडे (वय 52 सर्व रा. तडवळे) यांच्यावर गुन्हा दाखल केला आहे.

संपादन : संजय शिंदे

चारचाकी वाहनात जवान क्वारंटाइन..!, कोरोनात घेतोय कुटुंबासह गावाची काळजी