- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
कऱ्हाड : शहरातील मध्यवर्ती भागातील चौकात पोलिस रेकॉर्डवरील गुंड अभिनंदन झेंडे याच्या खुनाचा प्रयत्न केल्याप्रकरणी पोलिसांनी चौघांना यापूर्वीच ताब्यात घेतले आहे. दरम्यान, या हल्ल्याप्रकरणी पोलिस रेकॉर्डवरील अमीर शेख याला पोलिसांनी अटक केली आहे. दरम्यान, संबंधिताच्या हद्दपारीसाठीची कार्यवाही पोलिसांकडून सुरू करण्यात आल्याची माहिती पोलिस उपअधीक्षक सूरज गुरव यांनी दिली.
'या' शहरात भीषण आग; दहा लाखांचे नुकसान
पोलिसांची माहिती अशी ः पोलिस रेकॉर्डवरील गुंड अभिनंदन झेंडे हा शाहू चौकातील केशकर्तनालयात होता. त्याची माहिती संशयित आशिष अशोक पाडळकर (वय 33, रा. सनसिटी, मलकापूर), अनिकेत रमेश शेलार (वय 21, रा. शास्त्रीनगर, मलकापूर), इंद्रजित हणमंतराव पवार (वय 23, रा. लाहोटीनगर, मलकापूर), सुदर्शन हणमंत चोरगे (वय 20, रा. कोयना वसाहत) यांना मिळाली. त्यावरून ते झेंडेवर खुनी हल्ला करण्याच्या उद्देशाने कारमधून शाहू चौकात गेले. त्यांनी आणलेल्या गाडीत कोयता, विळा या हत्यारांसह दांडके होते. अभिनंदन झेंडे केशकर्तनालयातून बाहेर आल्यावर चारही संशयितांनी झेंडेसह त्याच्या मित्रांबरोबर वादावादी करून अभिनंदनच्या गळ्यावर कोयत्याने हल्ला केला. त्याने तो वार चुकवला आणि तो, त्याचे मित्र केशकर्तनालय दुकानाचा दरवाजा लावून आत जाऊन लपून बसले. दरम्यानच्या कालावधीत अभिनंदन झेंडेच्या मित्रांनी याबाबतची माहिती शहर पोलिस ठाण्याच्या गुन्हे प्रकटीकरण शाखेचे सहायक पोलिस निरीक्षक विजय गोडसे यांना फोनवरून दिली. त्यांनी तातडीने पोलिस कर्मचाऱ्यांसह घटनास्थळी धाव घेत संशयितांना हत्यारासह ताब्यात घेतले. पोलिसांनी दाखवलेल्या सतर्कतेमुळे अभिनंदन झेंडेवरील हल्ल्याचा डाव उधळण्यात यश आले.
'यांच्याशी' झालेल्या चर्चेनंतर जिल्हाधिकाऱ्यांनी लॉकडाउन केला घाेषित
एक दाेन नव्हे तेरा पाेलिस कोरोनाबाधित झाल्याने एसपी तेजस्वी सातपुतेंनी उचलले हे पाऊल
दरम्यान, या प्रकरणात बाबा टोळीच्या अमीर शेख याचा सहभाग असल्याचे तपासात समोर आले. पोलिस उपअधीक्षक गुरव यांच्या पथकाने शेख याला ताब्यात घेतले आहे. पोलिस अधीक्षक तेजस्वी सातपुते यांच्या मार्गदर्शनाखाली संबंधितावर कडक कारवाई करण्यात येत आहे. संबंधित शेख टोळीवर यापूर्वी खून, मारामारीसह इतर गुन्हे दाखल आहेत. त्यांच्यावर तडीपारीची कारवाई करण्याची कार्यवाही सुरू आहे, असे पोलिस उपअधीक्षक गुरव यांनी सांगितले.
संपादन - सिद्धार्थ लाटकर
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.