कऱ्हाड - पक्ष वाढवण्यासाठी नेत्यांना कार्यकर्त्यांसमोर काही भुमिका मांडाव्या लागतात. काहीही असले तरी आम्ही तिन्ही पक्ष महायुती म्हणुनच लढणार आहोत. जीथे भाजप लढतेय तेथे शिवसेना, राष्ट्रवादीची मदत घेवु. जेथे ते दोन्ही पक्ष लढतील तेथे आम्ही मदत करु अशी स्पष्टोक्ती भाजपचे प्रदेशाध्यक्ष महसुलमंत्री चंद्रशेखर बावनकुळे यांनी एकनाथ शिंदे यांच्या पुण्यात भगवा फडकवणार आणि अजित पवार यांच्या तिरंगा फडकवणार या वक्तव्यावर करत त्यावर पडदाच पाडला.
पुण्याची सत्ता ताब्यात घेण्यासाठी उपमुख्यमंत्री शिंदे यांनी पुण्यात भगवा फडकवणार आणि उपमुख्यमंत्री पवार यांनी पुण्यात तिरंगा फडकवणार अशी वक्तव्य केली होती. त्यावर मंत्री बावनकुळे बोलत होते.
आमदार अतुल भोसले, भाजपचे महासचीव आमदार विक्रांत पाटील, सरचिटणीस अनुप पांडे, प्रदेशाध्यक्ष अनुप मोरे, भाजपचे सरचिटणीस रामकृष्ण वेताळ, भाजप युवा मोर्चाचे प्रदेश उपाध्यक्ष सुदर्शन पाटसकर आदी उपस्थित होते. मंत्री बावनकुळे म्हणाले, पक्ष वाढवण्यासाठी नेत्यांना कार्यकर्त्यांसमोर काही भुमिका मांडाव्या लागतात.
उपमुख्यमंत्री एकनाथ शिंदे, उपमुख्यमंत्री अजित पवार, आम्ही भाजप म्हणुन दीड कोटी सदस्य संख्या असलेला भाजप पक्ष करतोय. काहीही असले तरी आम्ही तिन्ही पक्ष महायुती म्हणुनच लढणार आहोत. यापुढील काळात सगळीकडे महायुतीचा कब्जा असणार आहे. जीथे आम्ही लढतोय तेथे शिवसेना राष्ट्रवादीची मदत घेवु, जेथे ते लढतील तेथे आम्ही मदत करु.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.