छत्रपती घराण्यातील शिवाजीराजे भोसले यांचे निधन | Sakal
sakal

बोलून बातमी शोधा

shivajiraje bhosale

सातारच्या छत्रपती घराण्यातील श्रीमंत छत्रपती शिवाजीराजे भोसले यांचे (वय) पुणे येथील खासगी रूग्णालयात उपचार सुरू असताना आज सायंकाळी पावणे सहाच्या सुमारास निधन झाले.

छत्रपती घराण्यातील शिवाजीराजे भोसले यांचे निधन

सातारा - सातारच्या छत्रपती घराण्यातील श्रीमंत छत्रपती शिवाजीराजे भोसले यांचे (वय) पुणे येथील खासगी रूग्णालयात उपचार सुरू असताना आज सायंकाळी पावणे सहाच्या सुमारास निधन झाले. त्यांच्या पश्चात कन्या वृषालीराजे भोसले व एक नातू असा परिवार आहे. खासदार उदयनराजे भोसले व आमदार शिवेंद्रसिंहराजे भोसले यांचे चुलते होत.

आज रात्री उशीरा त्यांचे पार्थिव साताऱ्यातील अदालतवाडा येथील निवासस्थानी आणण्यात येणार आहे. उद्या (बुधवारी) त्यांच्यावर राजघराण्याच्या प्रथेनुसार अंत्यसंस्कार करण्यात येणार आहेत.

राजघराण्याचे छत्रपती शाहू महाराज आणि राजमाता सुमित्राराजे भोसले यांचे छत्रपती शिवाजीराजे भोसले हे सुपूत्र होत. शिवाजीराजे यांचा जन्म २३ एप्रिल १९४७ मध्ये झाला. साहित्य, कला, क्रिडा, सांस्कृतिक व सामाजिक कार्यात त्यांचे भरिव योगदान होते. सलग सहा वर्षे ते साताऱ्याचे नगराध्यक्ष होते. १५ मे १९८५ ते १६ डिसेंबर १९९१ या कालावधी त्यांनी साताऱ्याचे नगराध्यक्ष म्हणून त्यांनी आपली कारकिर्द गाजवली होती. त्यांनी त्यावेळी समाजपयोगी विविध विकास कामे केली.

सातारच्या राजघराण्यातील खासदार उदयनराजे भोसले व आमदार शिवेंद्रसिंहराजे भोसले यांच्यातील वैरत्व विकोपाला गेलेले असताना शिवाजीराजे भोसले यांनी त्यांच्यात मनोमिलन घडविले. त्यांना खेळाविषयी प्रचंड आकर्षण होते. महाराष्ट्र बॅडमिंटन असोसिएशचे ते राज्य उपाध्यक्ष होते. सातारा जिल्हा बॅडमिंटन संघटनेचे अध्यक्ष होते. तसेच शिक्षण क्षेत्रात ही त्यांचे योगदान होते. ते आरे गावच्या श्री भैरवनाथ शिक्षण संस्थेचे ते अध्यक्ष होते. तसेच श्रीमंत छत्रपती प्रतापसिंह महाराज सेवाधाम अग्नि मंदीर करंजे यांचे कार्याध्यक्ष होते. शिवाजीराजे हे गेली ७५ वर्षे साताऱ्यातील अदालतवाडा येथे राहात होते. अदालत वाडा येथे छत्रपती शिवाजी महाराज यांच्या काळापासून न्यायनिवाडा करणारा वाडा म्हणून परिचित होता. आजही या वाड्यातून दिलेला शब्द तसेच आदेश सातारकर सन्मानपुर्वक स्वीकारतात.

Web Title: Chhatrapati Family Member Shivajiraje Bhosale Passed Away Satara

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Sataradeath