साताऱ्याच्या आरोग्य अधिकाऱ्यानंतर मुख्‍याधिकाऱ्यांची पिंपरी चिंचवडला बदली

सातारा : कालच आरोग्य अधिकाऱ्यांची रत्नागिरीला बदली झाल्यानंतर आज सातारा नगरपालिकेचे मुख्‍याधिकारी अभिजित बापट (Chief Officer Abhijit Bapat) यांची बदली झाली असून त्‍यांच्‍याकडे पदोन्नतीने पिंपरी चिंचवड महानगरपालिकेच्‍या (Pimpri Chinchwad Municipal Corporation) उपायुक्‍तपदाची जबाबदारी सोपविण्‍यात आली आहे. सातारा पालिकेचे मुख्‍याधिकारी म्‍हणून अभिजित बापट यांनी यापूर्वी कामकाज केले होते. (Chief Minister Abhijit Bapat Transferred To Pimpri Chinchwad Satara Marathi News)

कार्यकाळ पूर्ण झाल्‍यानंतर बापट यांची पंढरपूर पालिकेच्‍या (Pandharpur Municipality) मुख्‍याधिकारीपदी बदली करण्‍यात आली. बापट यांच्‍या बदलीमुळे रिक्‍त झालेल्‍या जागी शासनाने शंकर गोरे यांची नियुक्‍ती केली. गोरे यांच्‍या बदलीनंतर सातारा जिल्‍हाधिकारी कार्यालयात नगरपालिका कक्षाचे प्रमुख म्हणून कार्यरत असणाऱ्या बापट यांच्‍याकडे पुन्‍हा सातारा पालिकेच्‍या मुख्‍याधिकारीपदाची सूत्रे सोपविण्‍यात आली.

बापट यांनी सूत्रे स्‍वीकारल्‍यानंतर शहराच्‍या विकासासाठीच्‍या योजनांची प्रभावीपणे अंमलबजावणी केली. बापटांची नगरविकास विभागाने काल रात्री एका आदेशानुसार बदली केली. बापट यांच्‍याकडे पदोन्नतीने पिंपरी चिंचवड महानगर पालिकेच्‍या उपायुक्‍तपदाची जबाबदारी सोपविण्‍यात आली असून बापट यांच्‍या बदलीमुळे रिक्‍त झालेल्‍या सातारा पालिकेच्‍या मुख्‍याधिकारीपदी कोणाची वर्णी लागते, याकडे सातारकरांचे लक्ष लागून राहिले आहे. कालच साताऱ्याच्या आरोग्य अधिकाऱ्यांची बदली रत्नागिरीला होती.

Chief Minister Abhijit Bapat Transferred To Pimpri Chinchwad Satara Marathi News