कऱ्हाड दक्षिणमध्ये पावसाच्या ओढीने दुबार पेरणीचे संकट!

काले (सातारा) : पावसाने (Heavy Rain) आठ दिवसांपासून दडी मारल्यामुळे विभागात दुबार पेरणी व टोकणीचे संकट ओढावले आहे. त्यामुळे शेतकरी Farmers हवालदिल झाला आहे. दक्षिण विभागातील (South Division) शेती माळरान व काही ठिकाणी मुबलक पाणी असलेली आहे. मे महिन्याच्या शेवटी येळगाव, येणपे परिसरात धूळवाफ पेरणी झाली. (Crisis Of Sowing In Karad South Division Due To Lack Of Rain Satara Marathi News)

सोयाबीन, भुईमूग, भात पिकासह कडधान्ये पिकांची पेरणी, टोकण वेळेवर झाली. पेरणीसाठी (Crop Sowing) आवश्यक पाऊस बरसला. त्यामुळे बळीराजाने आनंदाने बी-बियाणे मातीमध्ये गाडले. पिकांची उगवण चांगली झाली. ऊस लावणीसाठी पोषक वातावरण होते. याचा फायदा उचलत ऊस लागणी झाल्या. शेतातील ओलीवर पिकांची वाढ व उगवण झाली. मात्र, पावसाने पुन्हा दडी मारल्यामुळे पेरलेली व उगवून आलेली पिके पाण्याअभावी करपू लागली आहेत.

चार दिवसांत पाऊस झाला नाही तर पुन्हा उगवलेली पिके वाया जाणार आहेत. पेरणीसाठी आवश्यक आलेले बी-बियाणे किंमत जास्त दराने शेतकऱ्यांनी खरेदी केली आहेत. पेरणीचा टोकणीचा, खतांचा, मजुरांचा खर्च, दुकानदार खर्च नुकताच शेतकऱ्यांनी भागवला आहे. तोच पुन्हा दुबार पेरणीचे संकट उभे आहे. त्यामुळे दुहेरी संकटात बळीराजा सापडला आहे.

Crisis Of Sowing In Karad South Division Due To Lack Of Rain Satara Marathi News