लोकांच्या हाताला कामं नसल्यामुळे पैशांची चणचण; लॉकडाउन शिथिल करा

सातारा : जिल्ह्यात कोरोनाचा (coronavirus) प्रादुर्भाव वाढत असल्याने कडक लॉकडाउन (Lockdown) सुरू आहे. गेल्या आठ दिवसांपासून अनेकांना भाजीपाला, किराणा माल संपल्याने अडचणींचा सामना करावा लागत आहे. या पार्श्‍वभूमीवर जिल्ह्यातील लॉकडाउन अंशत: शिथिल करण्याची मागणी साताऱ्यातील विविध संघटनांनी जिल्हाधिकारी शेखर सिंह (Collector Shekhar Singh) यांच्याकडे निवेदनाद्वारे केली आहे. (Demand Of Various Organizations To Reduce The Lockdown In Satara To Collector Shekhar Singh)

रिपब्लिकन पार्टी ऑफ इंडियाचे जिल्हाध्यक्ष दादासाहेब ओव्हाळ, श्रमिक मुक्ती दलाच्या युवा आघाडीचे चैतन्य दळवी, युवा राज्य फाउंडेशनचे महारुद्र तिकुंडे, रिपाइं (ए) युवा उपाध्यक्ष सोमनाथ धोत्रे, रयत क्रांती संघटनेचे युवा आघाडी जिल्हाध्यक्ष प्रकाश साबळे, रिपाइंचे शहराध्यक्ष जयवंत कांबळे, नंदकुमार जावळे, प्रशांत शिवसरण यांनी श्री. सिंह यांना निवेदन दिले आहे.

जिल्ह्यातील 60 टक्के लोक दारिद्य्ररेषेखालील असल्याने लॉकडाउनच्या काळात अनेक अडचणी उभ्या आहेत. त्यामुळे गेल्या 16 दिवस लॉकडाउनमुळे आर्थिक सामना करत आहोत. लोकांच्या हाताला काम नसल्यामुळे पैशांची चणचण होत आहे. या अडचणींचा विचार करून वंचित घटकांना दिलासा देण्याची गरज आहे. त्यासाठी लॉकडाउन अंशत: शिथिल करा, अशी मागणी या संघटनांनी केली आहे.

Demand Of Various Organizations To Reduce The Lockdown In Satara To Collector Shekhar Singh