सातारा : धनगर समाजाला आरक्षण द्यावे, अशी मागणी करत शुक्रवारी सातारा जिल्हा सकल धनगर समाजाच्या वतीने अजंठा चौकात महामार्गालगत "रास्ता रोको' आंदोलन करण्यात आले. ढोलताशांच्या गजरात भंडारा उधळून आंदोलन करत धनगर बांधवांनी तत्काळ आरक्षण लागू करण्याची मागणी केली. याबाबतचे निवेदन आंदोलकांनी जिल्हाधिकारी यांना दिले आहे.
या आंदोलनात प्रवीण काकडे, राजू गोरे, सतीश थोरात, जयराम काळे, मारुती ढेबे, कोंडिबा डोईफोडे, किशोर शिंदे व इतर समाज बांधव सहभागी झाले होते. याबाबतच्या निवेदनात म्हटले आहे, की धनगर समाज आरक्षणापासून 73 वर्षे वंचित असून, आरक्षण मिळू नये, यासाठी सर्वच पक्षांनी आपली ताकद पणाला लावली आहे.
केंद्र व राज्य सरकारने धनगर समाजाला एसटीचे आरक्षण तत्काळ द्यावे, समाजाच्या विकासासाठी एक हजार कोटींची तरतूद करावी, आरक्षण लागू केल्यानंतरच केंद्र व राज्य सरकारने भरती करावी, समाजातील विद्यार्थ्यांसाठी स्वयंम योजना लागू करावी आदी मागण्या करण्यात आल्या आहेत. ढोलताशांच्या गजरात भंडारा उधळून सुमारे अर्धातास अजंठा चौकात महामार्गाचा सेवारस्ता आंदोलकांनी रोखून धरला होता. या आंदोलनाच्या पार्श्‍वभूमीवर त्याठिकाणी सातारा शहर पोलिस ठाण्याचा बंदोबस्त तैनात करण्यात आला होता.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
