District bank employees celebrate the finalization of a 5-year pay agreement that guarantees a 12% salary increase."Sakal
सातारा
District Bank : जिल्हा बँकेच्या कर्मचाऱ्यांना १२ टक्के पगारवाढ; अखेर पाच वर्षे मुदतीचा पगारवाढीचा करार
सुधारित वेतनश्रेणी एक एप्रिल २०२४ पासून लागू होणार आहे. याचा बँकेवर साधारणपणे वार्षिक १४.५० कोटींचा बोजा पडणार आहे. बँकेच्या चतुर्थ श्रेणीपासून प्रथम श्रेणीपर्यंतच्या सर्व सेवक व अधिकारी यांना पगारवाढ देण्याचा निर्णय बँकेच्या संचालक मंडळाने घेतला आहे.
सातारा : सातारा जिल्हा मध्यवर्ती सहकारी बँक व बँक एम्प्लाईज युनियनमध्ये बँक सेवकांकरिता सुधारित वेतनश्रेणी लागू करण्याचा करार शनिवारी बँकेच्या संचालक मंडळाच्या सभेत करण्यात आला आहे. या करारानुसार १२ टक्क्यांपर्यंत पगारवाढ झाली आहे. एक एप्रिल २०२४ ते ३१ मार्च २०२९ अखेर पाच वर्षे मुदतीचा पगारवाढीचा करार करण्यात आला.