शिरसवडी- होळीचेगाव फाट्याजवळ डॉक्‍टरास मृत्यूने कवटाळले

निमसोड (जि. सातारा) : निमसोड (ता. खटाव) येथील डॉ. ज्ञानेश्वर रामचंद्र घाडगे (वय 54 ) यांचा गाडीवरील ताबा सुटल्याने झालेल्या अपघातात त्यांचा जागीच मृत्यू झाला. या अपघाताची नोंद वडूज पोलिस ठाण्यात झाली आहे. 

याबाबत पोलिस सूत्रांकडून व अपघात स्थळावरून दिलेली माहिती अशी, की सोमवारी (ता. 1) सकाळी साडेनऊच्या सुमारास निमसोड येथील डॉ. ज्ञानेश्वर घाडगे हे गावी जाताना शिरसवडी- होळीचेगाव फाट्याजवळ गाडी (एमएच 12 एफबी 6491) या गाडीवरचा ताबा सुटल्याने गाडी रस्त्यालगत असणाऱ्या नाल्यात जाऊन जोरदार आदळली. या अपघातात त्यांचा जागीच मृत्यू झाला. 

अपघातस्थळावर तातडीने वडूज पोलिस ठाण्याचे कर्मचारी हजर राहिले. डॉ. घाडगे यांना वडूज ग्रामीण रुग्णालयात उपचारासाठी दाखल केले असता, तेथील वैद्यकीय अधिकाऱ्यांनी ते मृत झाल्याचे घोषित केले. डॉ. घाडगे यांचा मृतदेह शवविच्छेदनानंतर नातेवाईकांच्या ताब्यात देण्यात आला. अधिक तपास हवलदार शांतीलाल ओंबासे करीत आहेत.

मी शेंगा खाल्या नाहीत, मी टरफले उचलणार नाही हेच पालिकेत आहे सुरु

स्वत:चा जीव वाचवण्यासाठी पती-पत्नी त्यांच्या तावडीतून पळून गेले

अनेक खासगी कंपन्यांनी आपले एजंट टोलनाक्‍यांवर उभे करत फास्टॅगची दुकाने थाटली 

अथणी- रयत कारखान्याने एफआरपीपेक्षा दिला जादा दर; शेतकरी समाधानी

11  शेतकऱ्यांनी Mumbai High Court च्या वकिलांच्या मार्फत का पाठविली नोटीस, वाचा सविस्तर

Edited By : Siddharth Latkar