Covid 19 : सातारा जिल्ह्यात मृत्यू सत्र सुरुच

सिद्धार्थ लाटकर
Sunday, 18 October 2020

सातारा जिल्ह्यात आजपर्यंत ३६ हजार ३९७ रुग्ण उपचारानंतर बरे हाेऊन घरी परतले आहेत. सध्या पाच हजार ६८४ रुग्ण उपचार घेत आहेत.

सातारा : सातारा जिल्ह्यात गत 24 ताासांत 278 नागरिकांचे अहवाल कोरोना बाधित आले आहेत. याबराेबरच आठ कोरोना बाधितांचा उपचारादरम्यान मृत्यू झाला आहे, अशी माहिती जिल्हा शल्यचिकित्सक   डॉ. सुभाष चव्हाण यांनी दिली आहे.

सातारा येथील क्रांतीसिंह नाना पाटील सर्वसाधारण रुग्णालय येथे उपचार घेत असलेल्या वाढे ता. सातारा येथील 69 वर्षीय पुरुष तसेच जिल्ह्यातील विविध खाजगी हॉस्पिटलमध्ये बोराटवाडी ता. माण येथील 46 वर्षीय पुरुष, गोडोली ता. सातारा येथील 63 वर्षीय पुरुष, कराड येथील 63 वर्षीय पुरुष, पाटण येथील 75 वर्षीय पुरुषाचा समावेश आहे.

CoronaUpdate : सातारा तालुक्यात आढळले सर्वाधिक रुग्ण

तसेच उशिरा कळविलेले गुरुवार पेठ ता. सातारा येथील 72 वर्षीय पुरुष, कराड येथील 70 वर्षीय पुरुष, गणेश मंदिर वाढे ता. सातारा येथील 75 वर्षीय पुरुष अशा एकूण आठ कोविड बाधितांचा उपचारादरम्यान मृत्यु झाला आहे, असेही डॉ. चव्हाण यांनी कळविले आहे. 

 

  • घेतलेले एकूण नमुने --171511
  •  
  • एकूण बाधित --43511
  •  
  • घरी सोडण्यात आलेले --36397
  •  
  • मृत्यू --1430
  •  
  • उपचारार्थ रुग्ण-5684  

स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Eight Covid 19 Patients Passes Away Satara News