कोयना धरण 80 टक्के भरले; पायथा वीजगृहातून नदीपात्रात पाणी

कोयनानगर (जि. सातारा) : कोयना धरणात येणाऱ्या पाण्याची आवक 30,094 क्‍युसेक झाली असून, धरणाच्या पाणीसाठयात 24 तासात तीन टीएमसीने वाढ झाली आहे. धरणात 83.36 टीएमसी पाणीसाठा झाला असून, कोयना धरण 80 टक्के भरले आहे. कोयना धरण पाणलोट क्षेत्रात 59 टक्के पाऊस झाला आहे. धरणाचा पायथा वीज गृह कार्यान्वीत करण्यात आला असून, त्यासाठी धरणातून नदीपात्रात 2,111 कूसेक पाण्याचा विसर्ग सोडण्यात येत आहे.

आमच ठरलं... या 15 गावांत एक गणपती

दरम्यान आज (शुक्रवार) दुपारी दोन वाजता दरवाजांतून पाणी सोडण्याचा निर्णय धरण व्यवस्थापनाने जाहीर केला होता. मात्र, दुपारी पावासाचा जोर काहीसा कमी झाल्याने पाणी सोडण्याचा निर्णय पुढे ढकलण्यात आला. पायथा वीजगृहातील विसर्ग मात्र चालूच होता. पावसाचा अंदाज घेऊन धरणाचे दरवाजे उघडण्याचा निर्णय घेतला जाईल, असे सांगण्यात आले.

या वयातील लोकांना कोरोनाचा जास्त धोका

24 तासात पाणलोट क्षेत्रातील कोयनानगर 112 मिलीमीटर, नवजा 122 मिलीमीटर, तर महाबळेश्वर 177 मिलीमीटर पावसाची नोंद झाली आहे. आज दिवसभरात पाणलोट क्षेत्रात पावसाच्या सरीवर सरी पडत असल्या तरी त्याची तीव्रता कमी आहे. कोयनानगर 64/3054 मीलीमीटर, नवजा 45/3379 मिलीमीटर, तर महाबळेश्वर 65/3389 मिलीमीटर पावसाची नोंद झाली आहे. धरण 89 टक्के भरले आहे. धरणाचा पायथा वीज गृह कार्यान्वीत करण्यात आला असून, त्यासाठी नदीपात्रात 2,111 क्‍युसेक पाण्याचा विसर्ग होत आहे. 

सातारा जिल्ह्यातील 'ही' दुकाने बंदच ठेवा : जिल्हाधिकारी शेखर सिंह

'याच' वेळी साेडा काेयना धरणातील पाणी : गृहराज्यमंत्र्यांची सूचना

चोवीस तासात पाणलोट क्षेत्रात पावसाचे प्रमाण जास्त होते. यामुळे धरणात येणाऱ्या पाण्याची आवक जादा असल्याने जलपातळीत लक्षणीय वाढ झाली. त्यामुळे धरणाचे सहा वक्री दरवाजे उघडण्याचा निर्णय घेतला होता. परीचलन सुचीप्रमाणे धरणात असणारा पाणीसाठा नव्हता त्याच बरोबर पाणलोट क्षेत्रात पावसाचा जोर कमी झाल्यामुळे हा निर्णय पुढे ढकलण्यात आला आहे. पाणलोट क्षेत्रात पडणाऱ्या पावसावर धरणाचे सहा वक्र दरवाजे उघडण्याचा निर्णय घेतला जाईल. 

- कोयना सिंचन विभागाचे कार्यकारी अभियंता कुमार पाटील

यंदा बाप्पाचे ऑनलाईन घ्यावे लागणार भक्तांना दर्शन ! 

Edited By : Siddharth Latkar