सातारा : जिल्हा कारागृहात असणाऱ्या बंदिवान महिलांना नंतर स्वत:चा व्यवसाय करता यावा, यासाठी ब्युटी पार्लरचे प्रशिक्षण देण्याच्या दहा दिवसांच्या शिबिराला आज सुरुवात झाली..कारागृह विभागाचे अतिरिक्त पोलिस महासंचालक प्रशांत बुरडे, विशेष पोलिस महानिरीक्षक जालिंदर सुपेकर, उपमहानिरिक्षक स्वाती साठे यांच्या निर्देशाने सातारा जिल्हा कारागृहामध्ये ध्यास फाउंडेशन यांच्या माध्यमातून या शिबिराला सुरुवात झाली. यामध्ये कारागृहातील महिला बंद्यांना थ्रेडिंग, फेशियल, ब्लिचिंग, हेअर कटिंग, हेअर स्टाइल, क्लीन अप इत्यादीचे प्रशिक्षण व मार्गदर्शन केले जाणार आहे. कोर्सची सांगता ता. १२ डिसेंबरला होणार आहे. .या कोर्सला प्रशिक्षक म्हणून सुप्रिया जाधव प्रशिक्षण देणार आहेत. कोर्सचे उद्घाटन ध्यास फाउंडेशनच्या अध्यक्षा वैजयंती ओतारी व कारागृह अधीक्षक शामकांत शेडगे यांच्या हस्ते झाले. या कार्यक्रमास ध्यास फाउंडेशनच्या सदस्या ॲड. रोशना रूपनवर, वरिष्ठ तुरुंग अधिकारी ज्ञानेश्वर दुबे, महिला शिपाई ज्योती शिंगरे, माधुरी वायकर, गीता दाभाडे, रूपाली नलवडे, प्रशांत कदम आदी उपस्थित होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
