कोरेगाव (जि. सातारा) : तालुक्‍यातील 56 ग्रामपंचायतींच्या पंचवार्षिक निवडणुकीचा कार्यक्रम जाहीर झाला असून, त्यात प्रामुख्याने ल्हासुर्णे, पाडळी स्टेशन (सातारारोड), देऊर, वाठार स्टेशन, धामणेर, वाठार किरोली या ग्रामपंचायतींचा समावेश आहे. त्यामुळे आता निवडणुका असलेल्या 56 गावांमध्ये महिनाभर वाडा, भावकीचे स्थानिक राजकारण रंगणार आहे.
कोरेगाव येथील निवडणूक शाखेतून मिळालेल्या माहितीनुसार येत्या 15 तारखेला निवडणुकीची नोटीस प्रसिद्ध होणार आहे. त्यानंतर 23 ते 30 तारखेदरम्यान सुटीचे दिवस वगळून सकाळी 11 ते दुपारी तीन या वेळेत उमेदवारी अर्ज दाखल करण्याची मुदत आहे. दाखल उमेदवारी अर्जांची छाननी 31 तारखेला सकाळी 11 पासून तहसीलदार कार्यालयात होईल. उमेदवारी अर्ज मागे घेण्याची मुदत चार जानेवारी रोजी दुपारी तीनपर्यंत आहे. त्यानंतर 15 जानेवारी रोजी सकाळी साडेसात ते सायंकाळी साडेपाच या वेळेत आवश्‍यक तेथे प्रत्यक्ष मतदान आणि 18 तारखेला मतमोजणी व निकाल जाहीर होणार आहे.
मोदी सरकारविरोधात साताऱ्यात शिवसैनिकांची सायकल सुसाट; इंधनवाढीचा नोंदविला निषेध
निवडणुका होणाऱ्या ग्रामपंचायतींमध्ये होलेवाडी, वाठार स्टेशन, साप, तडवळे (संमत वाघोली), तळीये, फडतरवाडी, मध्वापूरवाडी, नागेवाडी, चिलेवाडी, किन्हई, पेठ किन्हई, दुघी, निगडी, बोरजाईवाडी, शेंदूरजणे, दुधनवाडी, बोधेवाडी (चिमणगाव), भोसे, भक्तवडी, अरबवाडी, भंडारमाची, भाकरवाडी, तांदूळवाडी, धामणेर, त्रिपुटी, जांब बुद्रुक, सोळशी, राऊतवाडी, नांदवळ, चौधरवाडी, अनपटवाडी, दुर्गळवाडी, काळोशी, नलवडेवाडी (तारगाव), रिकिबदारवाडी, अंबवडे (संमत वाघोली), कोलवडी, मंगळापूर, ल्हासुर्णे, वाठार किरोली, बिचुकले, भिवडी, सुर्ली, किरोली, तारगाव, कटापूर, गोगावलेवाडी, गोडसेवाडी, तांबी, रेवडी, देऊर, सासुर्वे, नलवडेवाडी (बिचुकले), दहिगाव, पाडळी स्टेशन (सातारारोड), सायगाव (धामणेर) या गावांचा समावेश आहे.
जिल्ह्यात सद्य:स्थितीत लॉकडाउनचा कोणताही विचार नाही : शेखर सिंह
Edited By : Siddharth Latkar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.