esakal | सहकार मंत्र्यांच्या पुतणीचा काँग्रेस आमदार पीएन पाटील यांच्यासह मुलाकडून छळ; गुन्हा दाखल
sakal

बोलून बातमी शोधा

सहकार मंत्र्यांच्या पुतणीचा काँग्रेस आमदार पीएन पाटील यांच्यासह मुलाकडून छळ

सुनेला शिवीगाळ करून मारहाण करत एक कोटीची मागणी केल्याचे फिर्यादीत म्हटले आहे.

सहकार मंत्र्यांच्या पुतणीचा काँग्रेस आमदार पीएन पाटील यांच्यासह मुलाकडून छळ

sakal_logo
By
सचिन शिंदे - सकाळ वृत्तसेवा

कऱ्हाड ः कोल्हापूर जिल्हा काँग्रेसचे माजी जिल्हाध्यक्ष व विद्यमान आमदार पांडुरंग निवृत्ती पाटील उर्फ पी. एन. पाटील यांच्यासह त्यांची मुलगा राजेश, मुलगी सौ. टिना महेश पाटील (रा. कऱ्हाड) यांच्यावर गुन्हा दाखल झाला आहे. त्याबाबत सौ. आदिती राजेश पाटील (सध्या. रा. कऱ्हाड) यांनी पोलिसात फिर्याद दिली आहे. सौ. आदिती सहकारमंत्री बाळासाहेब पाटील यांची पुतणी तर येथील ज्येष्ठ नेते सुभाष पाटील यांच्या कन्या आहेत. त्यामुळे राजकीय वर्तुऴात खळबऴ उडाली आहे.

पोलिसांनी सांगितले की, सौ. आदितीला शिवीगाळ करून मारहाण करत एक कोटीची मागणी केल्याचे फिर्यादीत म्हटले आहे. शहर पोलीसात तक्रार देण्यात आली आहे. तक्रारीवरून संबंधितांवर गुन्हा दाखल झाला आहे. सासरे पांडुरंग निवृत्ती पाटील उर्फ पी एन. पाटील, पती राजेश पांडुरंग पाटील व नणंद सौ. टीना महेश पाटील अशी गुन्हा दाखल झालेल्या संशयितांची नावे आहेत. याबाबतची फिर्याद सौ. आदिती राजेश पाटील यांनी कराड शहर पोलीस ठाण्यात दिली आहे.

आदिती यांनी दिलेल्या फिर्यादीवरून पती, सासरे व आनंद यांनी संगनमत करुन विवाहितेला शारीरिक व मानसिक त्रास देऊन छळ केला आहे. तसेच फसवणूक करणे, शिवीगाळ करून मारहाण करणे, धमकी देणे अशाप्रकारच्या विविध कलमान्वये संशयितांवर कराड शहर पोलीस ठाण्यात गुन्हा दाखल करण्यात आला आहे. काँग्रेसच्या विद्यमान आमदारांवर गुन्हा दाखल झाल्याने राजकीय क्षेत्रात खळबळ उडाली आहे.

loading image
go to top