esakal | मायणी दरोडाप्रकरणी पाच तपास पथके; पोलिस ॲक्शन मोडवर
sakal

बोलून बातमी शोधा

satara

मायणी दरोडाप्रकरणी पाच तपास पथके; पोलिस ॲक्शन मोडवर

sakal_logo
By
संजय जगताप - सकाळ वृत्तसेवा

मायणी : येथील बालाजी ज्वेलर्सवर सशस्त्र दरोडाप्रकरणी पोलिसांनी तपासाला गती दिली असून, पाच पथके ठिकठिकाणी रवाना करण्यात आल्याचे पोलिस उपनिरीक्षक मालोजीराव देशमुख यांनी सांगितले.

मायणीसारख्या ग्रामीण भागात बंदूक रोखून ज्वेलरी लुटण्याचा प्रकार पहिल्यांदाच घडल्याने जिल्ह्यात खळबळ उडाली आहे. पोलिसही त्याबाबत आश्चर्य व्यक्त करीत आहेत. परिसरातील नागरिक व व्यापारी भयभीत झाले आहेत. सशस्त्र दरोडाप्रकरणी कोणत्याही परिस्थितीत संशयित गजाआड झाले पाहिजेत, असे आदेश पोलिस अधीक्षक अजय कुमार बन्सल यांनी दिल्यामुळे पोलिस अधिकारी ॲक्शन मोडवर आले आहेत. स्थानिक गुन्हे अन्वेषण विभाग आणि स्थानिक पोलिस संयुक्तपणे घटनेचा तपास करीत आहेत.

हेही वाचा: कोल्हापूर : अंबाबाई मंदिरात बॉम्ब ठेवल्याच्या फोनने खळबळ!

त्यासाठी दहिवडी विभागाचे पोलिस उपअधीक्षक डॉ. नीलेश देशमुख यांच्या मार्गदर्शनाखाली पोलिस उपनिरीक्षक मालोजीराव देशमुख यांनी पाच तपास पथके तयार केली आहेत. विटा (सांगली) ते दहिवडी पट्ट्यातील हॉटेल, ढाबे स्थानिक पथकाकडून पिंजून काढले जात आहेत. शेजारील सांगली जिल्ह्यातील विटा, आटपाडी परिसर, सोलापूर जिल्ह्यातील पंढरपूर, म्हसवड या भागांतही पथके रवाना करण्यात आली आहेत. आज दिवसभर पथके तपास करीत फिरत आहेत. मात्र, अद्याप त्यांच्या हाती काहीही ठोस लागलेले नाही, असे सूत्रांनी सांगितले.

loading image
go to top