Karad News : माजी आमदारांच्या पुतण्याची राष्ट्रवादी कॉंग्रेसमध्ये इंट्री

कऱ्हाड - स्थानिक स्वराज्य संस्थांच्या निवडणुकीसाठी उपमुख्यमंत्री अजित पवार यांच्या मार्गदर्शनाखाली राष्ट्रवादी कॉंग्रेसकडुन जोरदार मोर्चेबांधणी सुरु आहे. त्यासाठी पक्षाकडुन मोठे नेते गळाला लावण्यासाठी प्रयत्न सुरु आहेत..त्याअतंर्गत सातारा जिल्ह्यातील कऱ्हाड दक्षिणचे भाजपचे आमदार डॉ. अतुल भोसले यांचे समर्थक माजी आमदार आनंदराव पाटील यांचे पुतणे आणि कऱ्हाड शेती उत्पन्न बाजार समितीचे माजी उपसभापती सुनिल पाटील हे उद्या रविवारी दहिवडी येथे राष्ट्रवादी कॉंग्रेस पक्षामध्ये उपमुख्यमंत्री पवार यांच्या उपस्थितीत प्रवेश करणार आहेत..अॅड. उदयसिंह पाटील - उंडाळकर यांच्या राष्ट्रवादी कॉंग्रेस प्रवेशानंतर आता श्री. पाटील हे पक्षात येणार असल्याने कऱ्हाड दक्षिणमध्ये राष्ट्रवादी कॉंग्रेसची ताकद वाढण्यास मदत होणार आहे. आगामी स्थानिक स्वराज्य संस्थांच्या निवडणुकीच्या निमीत्ताने हा प्रवेश राजकीय वर्तुळात महत्वाचा मानला जात आहे..राष्ट्रवादी कॉंग्रेस आणि शिवसेनेत फुट पडली. त्यामुळे राजकीय वातावरण ढवळुन निघाले. पक्षांची संख्या वाढल्याने नेते आणि कार्यकर्त्यांचीही आज या पक्षात तर उद्या त्या पक्षात अशी स्थिती सुरु आहे. त्यामुळे राजकीय स्थिरता सध्या दिसत नसल्याचे चित्र आहे.दरम्यान दोन्ही पक्षात फुट पडली असली तरी सत्तेतील पक्षांकडुन आपली ताकद वाढवण्यासाठी सातत्याने प्रयत्न सुरु असल्याचे दिसत आहे. कऱ्हाड दक्षिणमध्ये माजी मुख्यमंत्री पृथ्वीराज चव्हाण यांचे कट्टर समर्थक असलेले माजी आमदार आनंदराव पाटील यांनी माजी मुख्यमंत्री श्री. चव्हाण यांची साथ सोडुन मागील विधानसभा निवडणुकीपुर्वी आमदार डॉ. भोसले यांना साथ दिली..त्यानंतर मध्यंतरी झालेल्या काही राजकीय घडामोडींमुळे माजी आमदार पाटील यांचे पुतणे त्यांच्यापासुन थोडे दुरावले गेले. मध्यंतरी झालेल्या बाजार समितीच्या निवडणुकीत त्यांनी शांत राहुन करेक्ट काम केले. त्यानंतर ते राजकीय घडामोडींपासुन थोडे दुरच राहिले.दरम्यानच्या काळात स्थानिक स्वराज्य संस्थाच्या निवडणुकांचा विचार करुन उपमुख्यमंत्री अजित पवार यांच्या आदेशानुसार राष्ट्रवादी कॉंग्रेसचे मंत्री मकरंद पाटील, खासदार नितीन पाटील यांनी पक्षाची ताकद जिल्ह्यात आणखी वाढवण्यासाठी प्रयत्न सुरु केले..त्यांनी पहिल्याच प्रयत्नात कऱ्हाड दक्षिणमध्ये पक्षाची ताकद वाढवण्यासाठी माजी सहकारमंत्री (कै) विलासराव पाटील-उंडाळकर यांचे पुत्र अॅड. उदयसिंह पाटील-उंडाळकर यांचा उपमुख्यंत्री अजित पवार यांच्या उपस्थितीत राष्ट्रवादी कॉंग्रेस पक्षामध्ये प्रवेश करुन घेतला. त्यामुळे कऱ्हाड तालुक्यात पक्षाला एक भक्कम गट मिळाला.त्यानंतर मंत्री पाटील आणि खासदार पाटील यांनी अजुन कोणाला घेता येतेय का याची चाचपणी सुरुच ठेवली. त्याअंतर्गत त्यांनी आता माजी आमदार पाटील याचे पुतणे सुनिल पाटील यांना उपमुख्यमंत्री अजित पवार यांच्या उपस्थितीत राष्ट्रवादी कॉंग्रेस पक्षामध्ये प्रवेश करण्याचे निश्चीत केले आहे..उद्या ते दहिवडी येथे राष्ट्रवादी कॉंग्रेसमध्ये पक्षप्रवेश करणार आहेत. माजी आमदार पाटील यांच्यासोबत न जाता त्यांचे पुतणे सुनिल पाटील यांनी महायुतीतील दुसऱ्या पक्षाला जवळ केल आहे. आगामी स्थानिक स्वराज्य संस्थांच्या निवडणुकीच्या निमीत्ताने हा प्रवेश राजकीय वर्तुळात महत्वाचा मानला जात आहे..मनोमिलन घडवण्याचे पाटलांच्यासमोर आव्हानमंत्री मकरंद पाटील आणि खासदार नितीन पाटील यांनी राष्ट्रवादी कॉंग्रेस पक्षाची ताकद वाढवण्यासाठी जिल्ह्यात जोरदार प्रयत्न सुरु केले आहेत. त्यांच्या प्रयत्नांना यशही येत आहे. दरम्यान कऱ्हाड दक्षिणमध्ये सुरुवातीपासुन उपमुख्यमंत्री अजित पवार यांच्यासोबत अॅड. आनंदराव उर्फ राजाभाऊ पाटील-उंडाळकर हे होते. त्यानंतर त्यांचे चुलत बंधु अॅड. उदयसिंह पाटील-उंडाळकर हे राष्ट्रवादी कॉंग्रेसमध्ये आले..त्या दोघे जरी एका पक्षात असले तरी त्यांचे म्हणावे तेवढे सख्य अजुनही निर्माण झालेले नाही. त्याचबरोबर उद्या सुनिल पाटील हे राष्ट्रवादी कॉग्रेसमध्ये प्रवेश करणार आहेत. त्यांचे आणि अॅड. उंडाळकर यांचेही सख्य नाही. त्यामुळे दक्षिणेत जरी राष्ट्रवादीमध्ये पक्षप्रवेश होत असले तरी नेत्यांत मनोमिलन घडवण्याचे आव्हाण मंत्री पाटील आणि खासदाार पाटील यांच्यासमोर असणार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.