Gram Panchayat Results निढळला दहा वर्षांनंतर सत्तांतर; माजी सनदी अधिकाऱ्यांच्या गटाला जोर का झटका

दहिवडी (ता. माण) : जिल्ह्यातील बहुतांशी आदर्श गावांत सत्तांतर झाल्याचे चित्र आहे. खटाव तालुक्यातील निढळ हे माजी सनदी अधिकारी चंद्रकांत दळवी यांचे आदर्श गाव आहे. येथील ग्रामपंचायत निवडणुकीत तब्बल दहा वर्षानंतर सत्तांतर झाले. यामध्ये कोरेगावचे आमदार महेश शिंदे यांच्या गटाने एकहाती सत्ता मिळविली आहे. चंद्रकात दळवी यांच्या गटाला केवळ दोन जागा मिळाल्या आहेत.  

निढळ हे खटाव तालुक्यातील आदर्श गाव असून माजी सनदी अधिकारी चंद्रकांत दळवी यांच्या माध्यमातून कोट्यवधी रूपयांची विकास कामे झाली आहेत. जिल्ह्यातील निढळ हे पहिले आदर्श गाव आहे. या ग्रामपंचायतींच्या निवडणुकीत यावेळेस तब्बल दहा वर्षांनंतर सत्तांतर झाले आहे. 

Gram Panchayat Results : महेश शिंदेंनी चाखली शशिकांत शिंदेंच्या गावात विजयाची ‘हॅट्‌ट्रिक’

या निवडणुकीत चंद्रकांत दळवी यांच्या गटाच्या पॅनेल विरूध्द कोरेगावचे आमदर महेश शिंदे यांच्या गटाचे जी. डी. खुस्पे यांचे पॅनेल अशी लढत झाली. यामध्ये आमदार महेश शिंदे यांच्या गटाच्या पॅनेलने नऊ जागा जिंकत निढळ ग्रामपंचायतीत तब्बल दहा वर्षानंतर सत्तांतर घडविले, तर चंद्रकांत दळवी यांच्या गटाच्या पॅनेलला केवळ दोन जागा मिळाल्या आहेत.

Gram Panchayat Results Karad : माजी मुख्यमंत्र्यांना जबर धक्का; भाजपची जोरदार मुसंडी ​ 

संपादन : बाळकृष्ण मधाळे