गोंदवले (जि. सातारा) : कोरोनामुळे ऑनलाइन शिक्षण सुरू असले, तरी आता विद्यार्थ्यांच्या गुणवत्तेचा मागोवा घेण्याबरोबरच पालक व शिक्षकांच्या अडचणींची सोडवणूक करण्यासाठी माणच्या गटशिक्षणाधिकारी सोनाली विभूते यांनी स्वतःच घर टू घर पोचण्याचा प्रयत्न चालवला आहे. शिक्षण आपल्या दारी आल्याने विद्यार्थ्यांना प्रोत्साहन मिळत असल्याने या आपत्ती काळातही माणमध्ये "हसत खेळत शिक्षण' सुरू असल्याचे दिसते.
शैक्षणिक वर्षाचा शेवट आणि नव्या वर्षाची सुरुवातीचा काळ कोरोनाच्या विळख्यात अडकल्याने मोठा पेच निर्माण झाला होता; परंतु ऑनलाइन शिक्षणाचा मार्ग काढल्याने ग्रामीण विद्यार्थी पहिल्यांदाच आधुनिक तंत्रज्ञानातून धडे गिरवू लागलेत. ग्रामीण भागातील अनेक विद्यार्थ्यांकडे अँड्रॉइड मोबाईल नसल्याने ऑनलाइन शिक्षणात अडचणी येत आहेत. अशा विद्यार्थ्यांसाठी माणमध्ये काही शिक्षक घरी जाऊन पाठ घेत आहेत. सोनाली विभूते या देखील विद्यार्थी, शिक्षक व पालकांना प्रोत्साहन देण्यासाठी सरसावल्यात. ऑनलाइन शिक्षणाबाबतच्या अडचणी व त्यावर उपाययोजना करण्यासाठी आता त्या स्वतः प्रत्येक विद्यार्थ्यांच्या घरी जाऊन मागोवा घेत आहेत. आतापर्यंत बिदाल, माणगंगानगर, तेलदरा, कासारवाडी, वडगाव या गावांतील शाळांतील विद्यार्थ्यांसह पालकांच्या समस्या त्यांनी जाणून घेतल्या आहेत. या उपक्रमाचे पालकांनी कौतुक केले आहे.
शिक्षणापासून कोणीही वंचित राहू नये, यासाठी आम्ही कटाक्षाने प्रयत्न करत आहोत. या खडतर काळात विद्यार्थ्यांसह शिक्षकांना प्रोत्साहन मिळावे, यासाठी घरभेटी घेत आहोत. या माध्यमातून समस्यांचा निपटारा करण्याचा प्रयत्न आहे.
- सोनाली विभूते, गटशिक्षणाधिकारी, माण
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.