हरिहरेश्‍वर बॅंक घोटाळ्याचा तपास ईडीकडे सोपवा : खातेदार कृती समिती

वाई येथील हरिहरेश्‍‍वर बँकेच्या दीड हजार खातेदारांची तब्बल ४० कोटींची फसवणूक विद्यमान संचालकांनी केली आहे.
Harihareshwar bank
Harihareshwar banksakal

सातारा : वाई येथील हरिहरेश्‍‍वर बँकेच्या (Harihareshwar bank) दीड हजार खातेदारांची तब्बल ४० कोटींची फसवणूक विद्यमान संचालकांनी केली आहे. या घोटाळ्यातील संशयित राजरोस फिरत असतानाही पोलिसांकडून कारवाई (Police Action) होत नसल्‍याचा आरोप करत या प्रकरणाची चौकशी प्रवर्तन संचालनालय अथवा केंद्रीय गुन्हे अन्वेषणमार्फत (CBI) करण्‍याची मागणी हरिहरेश्‍‍वर बँक खातेदार कृती समितीच्या वतीने आज येथे पत्रकार परिषदेत करण्‍यात आली. या प्रकरणी उच्च न्यायालयात (High Court) जनहित याचिका दाखल करणार असून न्याय न मिळाल्यास जिल्हाधिकारी कार्यालयासमोर आत्मदहन करण्याचा इशारा समितीच्या वतीने नितीन सावंत यांनी दिला.

श्री. सावंत म्‍हणाले, ‘‘हरिहरेश्‍‍वर बँकेच्या वाई, भुईंज, वडूथ आणि खंडाळा येथे चार शाखा असून त्यातील दीड हजार खातेदारांची ४० कोटींची फसवणूक विद्यमान संचालकांनी संगनमताने केली आहे. या प्रकरणी २९ जणांवर वाई शहर पोलिस ठाण्यात गुन्हा दाखल असून त्‍यातील पाच जणांना अटकपूर्व जामीन मिळाला आहे.

Harihareshwar bank
आधी 'त्या' बोलेरो गाड्यांची थकबाकी भरा; सावंतांचा नितेश राणेंना टोला

हे प्रकरण आर्थिक गुन्हे शाखेकडे तपासासाठी असून त्‍यात चार महिने झाले तरी कोणालाही अटक झालेली नाही.’’ प्रकरणाचा पाठपुरावा करणाऱ्या खातेदारांनाच गुन्‍हा दाखल करण्‍याची धमकी पोलिस देत आहेत. पोलिसांबरोबरच जिल्हा उपनिबंधक कार्यालयही खातेदारांना सहकार्य करत असल्‍याचा आरोपही सावंत यांनी यावेळी केला. याप्रकरणी न्यायालयात याचिका दाखल करणार असून न्‍याय न मिळाल्‍यास आत्‍मदहन करण्‍याचा इशाराही सावंत यांनी दिला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com