केळघर (जि. सातारा) : पुनवडी (ता. जावळी) येथील कोरोनाबधितांची संख्या 162 वर पोचली असून, गाव कोरोनाचा हॉटस्पॉट बनले आहे. बाधितांचा हा आकडा वाढताना ग्रामस्थांना दिलासाही मिळतो आहे. बाधित 162 पैकी 112 रुग्ण बरे होऊन घरीही आले आहेत. त्यात नव्वदी पार केलेल्या आजोबांचाही समावेश आहे. मोठ्या जिद्दीने कोरोनावर लढाई जिंकून आल्याने या आजोबांचे त्यांच्या नातेवाईकांनी टाळ्यांच्या गजरात स्वागत केले.
पुनवडीतील अद्याप 50 रुग्णांवर उपचार सुरू आहेत. कोरोनावर मात करून आलेल्या आजोबांना मधुमेहाचा त्रास आहे. शिवाय कानाने ऐकायलाही कमी येते. जेवण म्हटले तर जेमतेम दररोज अर्धी चपाती आणि राहणीमान तर अगदी साधे. त्यांची 18 जुलै रोजी पुनवडी गावाबरोबर कोरोना टेस्ट झाली आणि त्यामध्ये ते पॉझिटिव्ह आले. घरात रडारड सुरू झाली. आता आजोबा परत दिसणे नाही, या विचाराने त्यांना गाडीत बसवले आणि काय आश्‍चर्य या नव्वद वर्षांच्या आजोबांनी कोरोनाला हरवले. 27 जुलै रोजी ते सुखरूप आपल्या घरी परत आले.
एका पायावर घातली यशाला गवसणी..., बारावीत मिळवले घवघवीत यश
पुनवडी येथे संसर्ग वाढल्याने गावातील सर्वच ग्रामस्थांच्या घशातील स्त्रावांचे नमुने घेण्यात आले होते. आख्ख्या गावाची तपासणी झाली होती. मात्र, 162 पैकी 112 जणांनी कोरोनावर मात केली आहे. संस्थात्मक विलगीकरणासाठी उपचार घेत असलेले 50 रुग्णही लवकरात लवकर निगेटिव्ह होऊन गावात परत यावेत व गाव परत पूर्वस्थितीत यावे, अशी मनोकामना पुनवडीचे ग्रामस्थ करत आहेत. गाव प्रतिबंधित क्षेत्रात असल्याने गावातील सर्वच व्यवहार अद्याप ठप्प आहेत.
संपादन : पांडुरंग बर्गे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.