कऱ्हाड : जिल्ह्यातील महत्त्वाच्या पोलिस ठाण्यात कऱ्हाड शहर पोलिस ठाण्याचा समावेश होतो. त्याचबरोबर या पोलिस ठाण्यावर कामाचाही मोठा ताण असतो, असे असले, तरी या पोलिस ठाण्याला पुरेसे मनुष्यबळ उपलब्ध होत नाही. तपासासाठीही पथके बाहेर गावी जातात. त्यामुळे येथील पोलिस ठाण्यात कार्यरत पोलिसांवरच कामाचा ताण असतो. त्यातच बंदोबस्त आणि दैनंदिन कामामुळे अनेकदा कर्मचाऱ्यांना साप्ताहिक सुट्टीही मिळणे मुश्कील होते. त्यासाठी येथील पोलिस ठाण्याला पुरेशा मनुष्यबळाची गरज आहे.