कऱ्हाड : रामदास कदमांविरोधात शिवसैनिक आक्रमक | Sakal
sakal

बोलून बातमी शोधा

Shivsainik Agitation

ठाकरे कुटुंबीयांवर रामदास कदम यांनी केलेल्या वक्तव्याचा शिवसेना कऱ्हाड तालुक्याच्या वतीने जाहीर निषेध करण्यात आला.

कऱ्हाड : रामदास कदमांविरोधात शिवसैनिक आक्रमक

कऱ्हाड - ठाकरे कुटुंबीयांवर रामदास कदम यांनी केलेल्या वक्तव्याचा शिवसेना कऱ्हाड तालुक्याच्या वतीने जाहीर निषेध करण्यात आला. येथील दत्त चौकातील छत्रपती शिवाजी महाराजांच्या पुतळ्यासमोर कदम यांच्या विरोधात निषेधाच्या व धिक्काराच्या जोरदार घोषणा देण्यात आल्या. यावेळी त्यांच्या प्रतिमेला जोडो मारो आंदोलन करण्यात आले.

शिवसेना उपजिल्हाप्रमुख नितीन काशीद-पाटील म्हणाले, 32 वर्षे आमदारकी, दहा वर्षे मंत्रीपद, चार वर्षे विरोधी पक्षनेतेपद शिवसेनाप्रमुख बाळासाहेब ठाकरे व उध्दव ठाकरे यांच्या आशीर्वादाने मिळाले असतानाही उपकाराची जाणीव न ठेवता खाल्ल्या मिठाला न जागता चोराच्या उलट्या बोंबा रामदास कदम यांच्याकडुन सुरू आहेत. येणाऱ्या निवडणुकीत शिवसैनिक व जनता त्यांना जागा दाखवल्याशिवाय राहणार नाही.

शिवसेना कऱ्हाड तालुका, शहर व जिल्ह्याच्यावतीने आम्ही त्यांच्या वक्तव्याचा जाहीर निषेध करत आहोत. महिला आघाडी जिल्हा संघटिका अनिता जाधव यांनी धिक्कार करून आपल्या भावना व्यक्त केल्या.

दक्षिण तालुका प्रमुख शशिकांत हापसे, मलकापूर शहर प्रमुख मधुकर शेलार, युवा सेना शहर संघटक अक्षय गवळी, उप तालुका प्रमुख दिलीप यादव, शहाजीराव जाधव, संजय चव्हाण, माणिक आथरकर, ऋषिकेश महाडिक, युवा सेनेचे उपतालुकाप्रमुख संदीप पाटील, महिला आघाडीच्या कविता यादव, शोभा लोहार, प्रेमलता माने, प्रतिभा नाईक, विभाग प्रमुख महेश पाटील, प्रवीण लोहार अनिल चाळके महेश भावके, ओमकार काशीद पाटील, बापू भिसे ,कृष्णात बोडरे, विद्यानंद पाटील आदींसह शिवसैनिक उपस्थित होते.

Web Title: Karad Ramdas Kadam Shivsainik Agitation

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..