JCB trapped in Kelghar Ghat landslide
esakal
केळघर (जि. सातारा) : केळघर-महाबळेश्वर घाटात दरड हटविण्याचे काम सुरू असताना सोमवारी (ता. २७) सायंकाळी सुमारे सातच्या सुमारास मोठी दुर्घटना टळली. काळ्या कड्याजवळ अचानक जेसीबीवर दरड कोसळल्याने जेसीबी दरीच्या दिशेने घसरला. मात्र, चालक अजरुद्दीन याने प्रसंगावधान राखत वेळीच उडी मारल्याने त्याचा जीव थोडक्यात बचावला. या घटनेमुळे महाबळेश्वर, केळघर, मेढा आणि सातारा मार्गावरील वाहतूक पूर्णपणे ठप्प झाली (Mahabaleshwar road blocked due to landslide) आहे.
