खंडाळा : खंडाळा तालुका शेतकरी सहकारी साखर कारखान्यासाठी येत्या रविवारी मतदान प्रक्रिया होणार आहे. हे मतदान मतपत्रिकेवर शिक्का मारून होणार असल्याने सर्व प्रशासकीय यंत्रणेची तयारी झाल्याचे मत प्रांताधिकारी तथा निवडणूक निर्णय अधिकारी शिवाजी जगताप यांनी सांगितले.
या वेळी सहायक निवडणूक निर्णय अधिकारी तथा तहसीलदार दशरथ काळे व सहायक निबंधक देविदास मिसाळ उपस्थित होते. या मतदान प्रक्रियेसाठी एकूण ३० पथके तयार करण्यात आली आहेत. २६ मतदान केंद्रे उभारली असून, यासाठी केंद्राध्यक्षासह पाच मतदान अधिकारी एका मतदान केंद्रावर कार्यरत राहणार आहेत. १८० कर्मचाऱ्यांची नेमणूक करण्यात आली असून, देखरेखीसाठी सहा झोनल ऑफिसर कार्यरत असणार आहेत.
या कारखान्याच्या निवडणुकीसाठी मतदारांची मतदान करताना दिशाभूल होऊ नये, यासाठी मतपत्रिका वेगवेगळ्या रंगाच्या असणार आहेत. या कारखान्याची पंचवार्षिक निवडणुकीसाठी रविवारी मतदान होणार असल्याने आदल्या दिवशीच सर्व मतदान अधिकारी कामावर हजर होणार आहेत. या मतदानाची मतमोजणी मंगळवारी (ता. १९) किसन वीर सभागृहात होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
