Koyna Dam Water Level : कोयना खोऱ्यात पाऊस गायब, धरणातील पाण्याच्या आवकेत मोठी घट; जुलै अखेरपर्यंत धरण भरणार का? दमदार पावसाची प्रतीक्षाच!

कराड (सातारा) : कोयना धरण परिसरात चार दिवसांपासून पावसाने उघडीप दिल्याने धरणात येणाऱ्या पाण्याच्या आवकेत मोठी घट झाली आहे. १४ जुलै रोजी सकाळी आठ वाजता धरणाची पाणीपातळी २१११ फूट ५ इंच (६४३.५६० मीटर) झाली (Koyna Dam latest water storage update) असून, धरणातील एकूण जलसाठा ५३.६९ टीएमसी (५१.०१ टक्के) इतका झाला आहे. मात्र, पाऊस थांबल्याने गेल्या आठवड्यातील वेगाने वाढणारा जलसाठा आता मंदावल्याचे चित्र आहे.