Koyna Dam: कोयना पायथा वीजगृहातून आज विसर्ग! पाणलोट क्षेत्रात पावसाचा जोर कायम; धरणातील पाणीसाठा ८१.१२ टीएमसीवर

पाटण: कोयना धरण पाणलोट क्षेत्रात पावसाचा जोर कायम आहे. पाणलोट क्षेत्रातील नवजात २४ तासांत विक्रमी ४७० मिलिमीटर पावसाची नोंद झाली असून, कोयना जलाशयात प्रतिसेकंद ३२ हजार १९१ क्युसेक पाण्याची आवक होत आहे. त्यामुळे धरणातील पाणीसाठा ८१.१२ टीएमसीवर पोहोचला आहे. दरम्यान, जलाशयातील पाणी पातळी नियंत्रित करण्यासाठी बुधवारी सकाळी नऊला पायथा वीजगृहातून १०५० क्युसेक विसर्ग केला जाणार आहे.