कृष्णा निवडणुकीत विरोधकांचे मनसुबे धुळीला; डॉ. सुरेश भोसलेंचे टीकास्त्र

कऱ्हाड (सातारा) : सभासदांच्या भरघोस पाठिंब्यामुळे आमच्या जबाबदारीत वाढ झालेली आहे. येत्या काळात आमच्या कामाने सभासदांचा विश्वास नक्कीच सार्थ ठरवू, असा विश्वास कृष्णा कारखान्याचे अध्यक्ष डॉ. सुरेश भोसले (President Dr. Suresh Bhosale) यांनी व्यक्त केला. कृष्णा सहकारी कारखाना (Krishna Co-operative Factory) सभागृहात झालेल्या विशेष सत्कारात कऱ्हाडसह वाळवा, कडेगाव व खानापूर तालुक्यांतील कार्यकर्त्यांनी डॉ. भोसले यांचा सत्कार केला. त्याला उत्तर देताना डॉ. भोसले बोलत होते. (Krishna Factory President Dr. Suresh Bhosale Criticizes The Opposition Satara Political News)

या वेळी विनायक भोसले, नवनिर्वाचित संचालक निवासराव थोरात, शिवाजी पाटील, बाबासाहेब शिंदे, बाजीराव निकम, सयाजी यादव, विलासराव भंडारे, संभाजीराव पाटील, बबनराव शिंदे, जे. डी. मोरे, ब्रिजराज मोहिते, पांडुरंग होनमाने, बळीराजा शेतकरी संघटनेचे नेते पंजाबराव पाटील, बहेचे माजी उपसरपंच मनोज पाटील उपस्थित होते.

डॉ. भोसले म्हणाले,‘‘ कृष्णाच्या इतिहासात आत्तापर्यंत अशी निवडणूक झालेली नाही. सभासदांनी मोठ्या विश्वासाने सरासरी १० हजार मतांचे लीड देऊन आमच्या सर्वच उमेदवारांना निवडून दिले आहे. सभासदांच्या भरघोस पाठिंब्यामुळे आमच्या जबाबदारीत वाढ झालेली असून, येत्या काळात आमच्या कामाने सभासदांचा विश्वास नक्कीच सार्थ ठरवू. किंबहुना कृष्णा कारखाना (Krishna Sugar Factory Election) नंबर एकला नेण्यासाठी आजपासूनच कामाला लागण्याचा संकल्प आम्ही करत आहोत. सभासद व कार्यकर्त्यांनी मनापासून केलेल्या अविरत कष्टामुळे सहकार पॅनेलला (Co-operative panel) हे यश प्राप्त झाले आहे. कारखानदारी पुढे नेण्यासाठी आणि सभासदांच्या कल्याणासाठी आम्ही सदैव प्रयत्नशील राहू. तसेच कुणावरही अन्याय होणार नाही, याची कटाक्षाने काळजी घेऊ.’’

राजकारणी मंडळींचे मनसुबे धुळीला

निवडणुकीत विरोधकांकडे विरोधात एकही मुद्दा नव्हता. तसेच त्यांच्याकडे भविष्यातील व्हिजनही नव्हते. मुख्य म्हणजे एकत्रिकरणासाठी जी राजकीय मंडळी पुढे झाली, त्यांचे मनसुबे सभासदांनी धुळीला मिळवून या राजकारण्यांना दूर ठवले, असेही डॉ. भोसले यांनी या वेळी स्पष्ट केले.

Krishna Factory President Dr. Suresh Bhosale Criticizes The Opposition Satara Political News