जावळी तालुक्यात बिबट्याचा वावर वाढल्याने शेतकरी चिंतेत

केळघर (जि. सातारा) : शहरीकरणामुळे वन्यजीवांचे क्षेत्र कमी होत आहे. त्यामुळे वन्य आणि मानवातील संघर्ष वाढला आहे. वन्यप्राण्यांकडून मानवाच्या व मानवांकडून वन्यप्राण्यांच्या हत्या होत आहेत. वाढत्या वृक्षतोडीमुळे जंगलाचा ऱ्हास होत आहे. याचा पर्यावरणारही परिणाम होत आहे. जंगलातील पशु-पक्षी व अन्य कीटक यांना निसर्ग त्यांच्या गरजेप्रमाणे अन्न देत असतो. त्यासाठी त्या प्राण्यांची काळजी, रक्षण निसर्गच करतो. आजच्या मानवाला आहाराबरोबर इतर चैन याचा विचार करावा लागतो. हे करीत असताना निसर्ग ऱ्हास पावत आहे. याचा विचार फारच थोडे लोक करत आहेत.

हॉटेल व्यवस्थापकास लाखाची खंडणी मागणाऱ्या साताऱ्यातील 15 जणांवर गुन्हा  

आज बिबट्याचा मुक्त संचार मानवीवस्तीकडे होताना दिसत आहे. कारण, मानवाकडून झालेली जंगलतोड, वृक्षतोड, जंगलामध्ये झालेलं अतिक्रमण यामुळे वन्यप्राण्यांची मानवी वस्तीकडे वाटचाल पाहायला मिळत आहे. केळघर परिसरात गेल्या अनेक महिन्यांपासून बिबट्याचा मुक्त संचार होत असून पाळीव प्राणी, श्वानावर हल्ला करुन भक्ष करीत असल्याने नागरिक दहशतीखाली वावरत आहेत. केळघर घाटात बिबट्या मुक्तपणे संचार करत असल्याने रानात जनावरे चारण्यासाठी घेऊन जाणाऱ्या शेतकऱ्यांमध्ये भीतीचे वातावरण आहे. 

... इथं जनावरांच्या गोठ्यात राहताहेत माणसं! 

बुधवारी (ता. 27) संध्याकाळी पाच वाजण्याच्या सुमारास वरोशी येथील शेतकऱ्याला बिबट्या रानात फिरताना दिसला. बिबट्याचा आवाज आल्याने या शेतकऱ्याने आपली जनावरे रानातून हलवल्याने अनर्थ टळला आहे. वरोशी येथील अनेक शेतकरी केळघर घाटात असलेल्या डोंगरावरील रानात जनावरे चारण्यासाठी घेऊन जात असतात. यापूर्वीही या परिसरात बिबट्या मुक्तसंचार करत असल्याचे शेतकऱ्यांनी पाहिले आहे.

दुप्पट शेती उत्पादनासाठी शासनाचे पाऊल, 407 शेतकरी गटांना साडेसोळा कोटी अनुदान 

पाऊस उघडल्याने अन्नाच्या शोधात बिबट्या लोकवस्तीकडे येत असल्याचा अंदाज शेतकऱ्यांनी व्यक्त केला आहे. वरोशी येथे गेल्या वर्षी बिबट्याने चरायला गेलेल्या जनावरांवर हल्ला केला होता. शेतकऱ्यांना वरोशी गावच्या हद्दीत बिबट्या दिसून आला आहे. त्यामुळे शेतकऱ्यांमध्ये चिंतेचे वातावरण आहे.

संपादन : बाळकृष्ण मधाळे