'महाडिक गटाच्या कोणत्याच कार्यकर्त्याचा शब्द पडू देणार नाही'

इस्लामपूर : कृष्णा कारखाना (Krishna Factory), कृष्णा चॅरिटेबल ट्रस्ट व कृष्णा अभिमत विद्यापीठाच्या (Krishna Abhimat University) माध्यमातून भोसले कुटुंबीयांनी महाडिक गटातील (Mahadik Group) कार्यकर्त्यांना नेहमीच मदतीचा हात पुढे केला. त्यामुळे महाडिक गटाचा कृष्णा कारखाना निवडणुकीत (Krishna Factory Election) सहकार पॅनेलला (Co-operation panel) पाठिंबा असल्याची घोषणा युवा नेते राहुल महाडिक व सम्राट महाडिक यांनी डॉ. सुरेश भोसले यांच्या उपस्थितीत नुकतीच घोषित केली. (Mahadik Group Announced Support To Co-operation Panel At Islampur Satara Political News)

पेठ (ता. वाळवा) येथील नानासाहेब महाडिक इंजिनिअरिंग कॉलेज येथे कार्यकर्त्यांच्या बैठकीनंतर झालेल्या पत्रकार परिषदेत ते बोलत होते. ज्‍येष्ठ नेते सी. बी. पाटील, कृष्णा कारखान्याचे संचालक गिरीश पाटील यांच्यासह वाळवा तालुक्यातील महाडिक गटाचे प्रमुख कार्यकर्ते उपस्थित होते. श्री. महाडिक बंधू म्हणाले, " गेल्या काही दिवसांपासून महाडिक गटाचा पाठिंबा कुणाला, याबाबत अनेक वावड्या उठवल्या जात होत्या. त्यामुळे आम्ही महाडिक गटाच्या सर्व कार्यकर्त्यांची बैठक घेऊन चर्चा करत मते जाणून घेतली. बहुतांश कार्यकर्त्यांनी डॉ. सुरेश भोसले यांच्या अध्यक्षतेखाली कृष्णा कारखान्याचे काम अतिशय व्यवस्थितपणे सुरू असल्याची मते मांडली.

या बरोबरच भोसले कुटुंबिय व (कै.) वनश्री नानासाहेब महाडिक यांच्यात असलेले जिव्हाळ्याचे संबंध लक्षात घेत सहकार पॅनेलला आम्ही महाडिक गटाचा पाठिंबा देत आहोत. महाडिक गटाचा प्रत्‍येक कार्यकर्ता सहकार पॅनेलच्या पाठीशी ठामपणे उभा राहील." डॉ. सुरेश भोसले म्हणाले," आम्हाला वाळवा, कऱ्हाड व कडेगाव तालुक्यांत समन्वय ठेऊन काम करावे लागते. महाडिक गटाच्या कोणत्याच कार्यकर्त्याचा शब्द आम्ही पडू देणार नाही. आमची ताकद महाडिक कुटुंबीयांच्या समर्थनामुळे वाढली आहे.

Mahadik Group Announced Support To Co-operation Panel At Islampur Satara Political News